ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ກໍລະກົດນີ້, ອົງການອະນາໄມໂລກໄດ້ປະກາດສ້າງຕັ້ງໜ່ວຍງານອິດສະຫຼະ ເພື່ອປະເມີນຜົນວຽກງານຕ້ານກັບພະຍາດໂຄວິດ-19 ໃນໂລກທີ່ດຳເນີນໄປພາຍໃຕ້ການນຳພາຂອງອົງການດັ່ງກ່າວ, ຄາດວ່າ ຈະເຜີຍແຜ່ບົດລາຍງານປະເມີນຜົນເບື້ອງຕົ້ນໃນເດືອນພະຈິກປີນີ້.
ມື້ດຽວກັນ, ໃນເວລາລາຍງານວຽກງານຕໍ່ປະເທດສະມາຊິກອົງການອະນາໄມໂລກ, ທ່ານເຕໂດຼສ ຜູ້ອຳນວຍການໃຫຍ່ອົງການດັ່ງກ່າວກ່າວວ່າ, ໜ່ວຍງານອິດສະຫຼະດັ່ງກ່າວຈະຊ່ວຍປະຊາຄົມໂລກໃຫ້ຮັບຮູ້ເລື່ອງທີ່ເກີດຂຶ້ນໃນໄລຍະຂອງການແຜ່ລະບາດຂອງພະຍາດໂຄວິດ-19, ແລະຫາວິທີທາງວ່າຈະເຮັດແນວໃດເພື່ອປ້ອງກັນບໍ່ໃຫ້ເກີດໂສກນາດຕະກຳໃນລັກສະນະນີ້ອີກ.
ທ່ານເຕໂດຼສກ່າວຕື່ມວ່າ, ໄພຂົ່ມຂູ່ທີ່ຮ້າຍແຮງທີ່ສຸດທີ່ພວກເຮົາຜະເຊີນຢູ່ໃນປະຈຸບັນບໍ່ແມ່ນເຊື້ອພະຍາດໂຄວິດ-19ອີກແລ້ວ, ແຕ່ແມ່ນການຂາດການນຳພາ ແລະ ຄວາມສາມັກຄີຢູ່ໃນລະດັບປະເທດ ແລະ ໃນທົ່ວໂລກ. ເມື່ອພວກເຮົາມີຄວາມສາມັກຄີເປັນເອກະພາບກັນ, ກໍຈະສາມາດເອົາຊະນະພະຍາດໂຄວິດ-19 ໄດ້.
ຄຳເຫັນ
0