ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ,ກະຊວງການຄ້າຈີນແລະພາກສ່ວນຮັບຜິດຊອບດ້ານເສດຖະກິດການຄ້າຂອງຫຼາຍປະເທດເຊັ່ນ:ສິງກະໂປເປັນຕົ້ນ ໄດ້ອອກຖະແຫຼງການຮ່ວມເພື່ອເປັນການຮັບປະກັນການເຊື່ອມຕໍ່ກັນລະຫວ່າງຕ່ອງໂສ້ການສະໜອງ. ຖະແຫຼງການສະບັບນີ້ຊີ້ໃຫ້ເຫັນວ່າ,ໃນໄລຍະທີ່ມີສະພາບພະຍາດໂຄວິດ-19,ບັນດາປະເທດຄວນຫຼີກລ່ຽງການປະຕິບັດການຈຳກັດຕໍ່ການສົ່ງອອກ ຫຼື ສ້າງກຳແພງພາສີອາກອນແລະບໍ່ແມ່ນພາສີອາກອນ,ຄວນຍົກເລີກທຸກມາດຕະການຈຳກັດທາງການຄ້າທີ່ມີຢູ່ໃນປັດຈຸບັນຕໍ່ວັດຖຸອຸປະກອນທີ່ຈຳເປັນ ໂດຍສະເພາະວັດຖຸອຸປະກອນໃນການປິ່ນປົວ.
ໃນກອງປະຊຸມຖະແຫຼງຂ່າວຂອງກະຊວງການຄ້າຈີນທີ່ຈັດຂຶ້ນໃນວັນທີ9ກໍລະກົດນີ້,ທ່ານກ່າວເຟີ່ງ ໂຄສົກກະຊວງການຄ້າຈີນກ່າວວ່າ: ກະຊວງການຄ້າຈີນມີສ່ວນຮ່ວມໃນຖະແຫຼງການຮ່ວມລະດັບລັດຖະມົນຕີທີ່ປະກາດໂດຍກະຊວງການຄ້າແລະອຸດສາຫະກຳສິງກະໂປແລະພາກສ່ວນຮັບຜິດຊອບວຽກງານເສດຖະກິດການຄ້າຂອງ10ປະເທດ,ນີ້ໄດ້ສະແດງໃຫ້ເຫັນຢ່າງເຕັມທີ່ວ່າ: ຈີນເດັດດ່ຽວສະໜັບສະໜູນການຮ່ວມມືສາກົນເພື່ອຕ້ານກັບພະຍາດ,ສ່ອງແສງໃຫ້ເຫັນຫຼັກໝັ້ນ ຂອງຈີນທີ່ເດັດດ່ຽວປົກປ້ອງການຄ້າເສລີຕະຫຼອດມາ. ປັດຈຸບັນນີ້,ຈີນແລະຝ່າຍຕ່າງໆ ເຊັ່ນ:ສິງກະໂປເປັນຕົ້ນ ໄດ້ຮ່ວມກັນສຸມຄວາມພະຍາຍາມໃນສະພາບການທີ່ປ້ອງກັນແລະຄວບຄຸມພະຍາດໂຄວິດ-19ຫັນເປັນປົກກະຕິ,ຕັ້ງໜ້າດຳເນີນການຮ່ວມມືດ້ານເສດຖະກິດການຄ້າທີ່ຕິດແທດຕົວຈິງ, ຊຸກຍູ້ການເຄື່ອນໄຫວດ້ານການຄ້າຢ່າງສະດວກ,ເຮັດໃຫ້ຕ່ອງໂສ້ອຸດສາຫະກຳມີຄວາມໝັ້ນທ່ຽງ,ຊ່ວຍໃຫ້ເສດຖະກິດຂອງພາກພື້ນແລະຂອງທົ່ວໂລກສາມາດຟື້ນຟູການພັດທະນາຄືນໃໝ່.
ຄຳເຫັນ
0