ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການອະນາໄມໂລກໄດ້ຈັດກອງປະຊຸມຖະແຫຼງຂ່າວປະຈຳໃນວັນທີ 10 ກໍລະກົດນີ້, ທ່ານ ໄມເຄີນ ໄຣອັນ ຜູ້ຮັບຜິດຊອບໂຄງການສຸກເສີນດ້ານສາທາລະນະສຸກຂອງອົງການອະນາໄມໂລກຢືນຢັນວ່າ: ອົງການອະນາໄມໂລກໄດ້ເອົາໃຈໃສ່ຕໍ່ພະຍາດອັກເສບປອດທີ່ບໍ່ຮູ້ສາເຫດທີ່ເກີດຂຶ້ນຢູ່ກາຊັກສະຖານ, ໃນໄລຍະມໍ່ໆມານີ້ ຢູ່ກາຊັກສະຖານໄດ້ມີຜູ້ເປັນພະຍາດອັກເສບປອດເພີ່ມຂຶ້ນ ເຊິ່ງມີຫຼາຍສາເຫດ, ອົງການອະນາໄມໂລກກຳລັງຮ່ວມມືກັບອົງການຕ່າງໆຂອງປະເທດນີ້ເພື່ອດຳເນີນການສຳຫຼວດ.
ທ່ານໄມເຄີນ ໄຣອັນຊີ້ໃຫ້ເຫັນວ່າ: ຢູ່ກາຊັກສະຖານກໍມີຜູ້ເປັນພະຍາດໂຄວິດ-19 ເພີ່ມຂຶ້ນຢ່າງຫຼວງຫຼາຍເຊັ່ນກັນ, ໃນໄລຍະ 7 ວັນຜ່ານມາ, ໄດ້ມີການລາຍງານວ່າ: ຕາມຜົນກວດຂອງຫ້ອງທົດລອງ, ມີຜູ້ເປັນພະຍາດຫຼາຍກວ່າ 1 ໝື່ນກໍລະນີ. ອົງການອະນາໄມໂລກກຳລັງຄົ້ນຄວ້າເຖິງສະພາບຄວາມເປັນຈິງທາງດ້ານເງື່ອນໄຂແລະຄຸນນະພາບຂອງການກວດຫາເຊື້ອຂອງປະເທດດັ່ງກ່າວ ເພື່ອປ້ອງກັນບໍ່ໃຫ້ມີຕົວຢ່າງເຊື້ອພະຍາດໂຄວິດ-19 ທີ່ເປັນຜົນລົບປອມປົນເປໃນຕົວຢ່າງຂອງເຊື້ອອັກເສບປອດອື່ນໆ, ກໍລະນີເປັນພະຍາດອັກເສບປອດທີ່ບໍ່ຮູ້ສາເຫດຈຳນວນຫຼາຍອາດຈະເປັນກໍລະນີດຽວກັບພະຍາດໂຄວິດ-19. ອົງການອະນາໄມໂລກກໍກຳລັງວິນິໄສແຜ່ນເອກສະເຣຂອງຄົນເຈັບເຫຼົ່ານີ້ເພື່ອກວດເບິ່ງວ່າຈະເປັນອາການຂອງພະຍາດໂຄວິດ-19 ຫຼືບໍ່?
ຄຳເຫັນ
0