ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກໍລະກົດປີ 2020 ນີ້ເປັນວັນເດີນທະເລແຫ່ງຊາດຈີນ ຄົບຮອບ 16 ປີ. ໃນກອງປະຊຸມເວທີປຶກສາຫາລືວັນເດີນທະເລແຫ່ງຊາດຈີນປີ 2020 ທີ່ຈັດຂຶ້ນຢູ່ນະຄອນຊຽງໄຮ້ໃນວັນທີ 11 ກໍລະກົດນີ້, ບຸກຄົນໃນວົງການການຂົນສົ່ງທາງທະເລຈີນແລະຕ່າງປະເທດໄດ້ ປຶກສາຫາລືກ່ຽວກັບການພັດທະນາດ້ານການຂົນສົ່ງທາງທະເລແລະການຮັບປະກັນຕ່ອງໂສ້ການຈໍລະຈອນສິນຄ້າສາກົນພາຍໃຕ້ສະພາບການໃໝ່ໂດຍປິ່ນອ້ອມຫົວຂໍ້ “ເກາະແຂນກັນກ້າວເດີນຮ່ວມກັນ, ຮັກສາການຈໍລະຈອນສິນຄ້າສາກົນໃຫ້ມີຄວາມລຸລ່ວງ”
ໃນຕົ້ນປີນີ້, ພະຍາດໂຄວິດ-19 ທີ່ເກີດຂຶ້ນຢ່າງກະທັນຫັນໄດ້ແຜ່ລະບາດໄປທົ່ວໂລກ. ໄປຄຽງຄູ່ກັບພະຍາດໄດ້ແຜ່ລະບາດກວ້າງອອກ, ຫຼາຍປະເທດໄດ້ໃຊ້ມາດຕະການຈຳກັດ, ການເຄື່ອນໄຫວດ້ານການບໍລິໂພກຂອງປະຊາຊົນ, ການຜະລິດ, ການລົງທຶນແລະການຄ້າຂອງບັນດາປະເທດໃນໂລກກໍຖືກຈຳກັດ, ຕ່ອງໂສ້ການຈໍລະຈອນສິນຄ້າແລະການສະໜອງຂອງທົ່ວໂລກກໍໄດ້ຮົບຜົນກະທົບເຊັ່ນກັນ.
ທ່ານລິວສ້ຽວມິງ ຮອງລັດຖະມົນຕີກະຊວງຄົມມະນາຄົມຂົນສົ່ງຈີນໄດ້ປະກອບຄຳເຫັນໃນກອງປະຊຸມຄັ້ງນີ້ວ່າ: ພາຍໃຕ້ສະພາບການທີ່ເສດຖະກິດໂລກາພິວັດແລະການຮ່ວມມືແບບແບ່ງງານຂອງຂະແໜງການອຸດສາຫະກຳສາກົນ, ການຮັບປະກັນຕ່ອງໂສ້ອຸດສາຫະກຳ,ຕ່ອງໂສ້ການສະໜອງແລະຕ່ອງໂສ້ການຈໍລະຈອນສິນຄ້າຂອງໂລກໃຫ້ມີຄວາມໝັ້ນຄົງແລະສະດວກນັ້ນແມ່ນມີຄວາມສຳຄັນຫຼາຍທີ່ສຸດ.
ທ່ານກີຕັກລີມ ເລຂາທິການໃຫຍ່ອົງການກິດຈະການທາງທະເລສາກົນໄດ້ປະກອບຄຳເຫັນຜ່ານທາງວິດີໂອໃນກອງປະຊຸມເວທີປຶກສາຫາລືຄັ້ງນີ້ໂດຍຮຽກຮ້ອງໃຫ້ບັນດາປະເທດສະມາຊິກຈົ່ງສືບຕໍ່ການແລກປ່ຽນແລະຮ່ວມມືກັນເພື່ອຊຸກຍູ້ໃຫ້ການຂົນສົ່ງທາງທະເລໄດ້ປະກອບສ່ວນຫຼາຍກວ່າເກົ່າເຂົ້າໃນການຮັບປະກັນການປະຕິບັດງານຂອງຕ່ອງໂສ້ການສະໜອງສາກົນແລະເພື່ອບັນລຸເປົ້າໝາຍຟື້ນຟູເສດຖະກິດຫຼັງໂຄວິດ-19ສິ້ນສຸດລົງ.
ຄຳເຫັນ
0