ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ມະຫາວິທະຍາໄລຈອນ ຮອບກິນຂອງອາເມຣິກາແຈ້ງຂ່າວວ່າ: ນັບມາຮອດເວລາ 6 ໂມງ 34 ນາທີຂອງວັນທີ 12 ກໍລະກົດນີ້ຕາມເວລາປັກກິ່ງ, ຜູ້ຖືກບົ່ງມະຕິເປັນພະຍາດໂຄວິດ-19ໃນທົ່ວໂລກມີເຖິງ 12.623.954 ຄົນ, ມີຜູ້ເສຍຊີວິດເຖິງ 562,682 ຄົນ. ຢູ່ອາເມຣິກາການແຜ່ລະບາດຂອງພະຍາດໂຄວິດ-19ແມ່ນຮຸນແຮງທີ່ສຸດ, ມີ ຜູ້ຖືກບົ່ງມະຕິເປັນພະຍາດໂຄວິດ-19 ເຖິງ 3.242.073ຄົນ, ມີຜູ້ເສຍຊີວິດ ເຖິງ 134.719 ຄົນ.
ວັນທີ 11 ກໍລະກົດນີ້, ກະຊວງສາທາລະນະສຸກອິນເດຍໄດ້ປະກາດຂໍ້ມູນໂດຍສະແດງໃຫ້ເຫັນວ່າ, ນັບມາຮອດເວລາ 8 ໂມງຂອງວັນທີ 11 ກໍລະກົດນີ້ຕາມເວລາທ້ອງຖິ່ນ, ຢູ່ທົ່ວປະເທດອິນເດຍມີຜູ້ຖືກບົ່ງມະຕິເປັນພະຍາດໂຄວິດ-19 ເຖິງ 820.916 ຄົນ. ສື່ມວນຊົນອິນເດຍແຈ້ງຂ່າວວ່າ, ລັດຖະບານກາງຂອງອິນເດຍໄດ້ອອກຄຳສັ່ງໃຫ້ຍົກເລີກປິດເມືອງຢູ່ເຂດແຄວ້ນສ່ວນຫຼາຍ, ແຕ່ອົງການປົກຄອງທ້ອງຖິ່ນຕ່າງໆຂອງອິນເດຍໄດ້ພາກັນອອກຄຳສັ່ງຂອງທ້ອງຖິ່ນຕົນໃຫ້ເພີ່ມທະວີການປິດເມືອງເພື່ອຮັບມືກັບການແຜ່ລະບາດຂອງພະຍາດທີ່ຮຸນແຮງຂຶ້ນຕື່ມ.
ນອກນີ້, ຕາມຂໍ້ມູນຂອງກະຊວງສາທາລະນະສຸກບຣາຊິນທີ່ປະກາດໃນຕອນບ່າຍວັນທີ 10 ກໍລະກົດນີ້, ຢູ່ບຣາຊິນມີຜູ້ເປັນພະຍາດໂຄວິດ-19 ເຖິງ1.800.827 ຄົນ, ມີຜູ້ເສຍຊີວິດແລ້ວ 70.398 ຄົນ.
ຄຳເຫັນ
0