ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມການວັດແທກທາງການຂອງເຄືອຂ່າຍສະຖານີວັດແທກແຜ່ນດິນໄຫວຈີນ, ເວລາ 6 ໂມງ 38 ນາທີຂອງວັນທີ 12 ກໍລະກົດນີ້, ເມືອງກູເຢ ນະຄອນຖັງຊ່ານແຂວງເຫີເປີຍ ສປ ຈີນ (ເສັ້ນຂະໜານເໜືອ 39,78ອົງສາ, ເສັ້ນແວງຕາເວັນອອກ 118,44 ອົງສາ)ໄດ້ເກີດແຜ່ນດິນໄຫວຂັ້ນ 5,1 ລິກເຕີ. ຕາມພະແນກຄຸ້ມຄອງການສຸກເສີນແຂວງເຫີເປີຍໃຫ້ຮູ້ວ່າ: ປັດຈຸບັນຍັງບໍ່ທັນໄດ້ຮັບການລາຍງານວ່າມີຜູ້ເສຍຊີວິດແລະບາດເຈັບເທື່ອ, ແລະກຳລັງເກັບກຳສະຖິຕິກ່ຽວກັບຜົນກະທົບແລະຜົນເສຍຫາຍຈາກແຜ່ນດິນໄຫວຄັ້ງນີ້ຢູ່.
ຕາມການລາຍງານດ່ວນຂອງເຄືອຂ່າຍສະຖານີວັດແທກແຜ່ນດິນໄຫວຈີນ, ໃນໄລຍະ 5 ປີຜ່ານມາ, ຢູ່ບໍລິເວນອ້ອມຈຸດໃຈກາງແຜ່ນດິນໄຫວໃນລັດສະເໝີ 200 ກິໂລແມັດໄດ້ເກີດແຜ່ນດິນໄຫວຂັ້ນ 3 ລິກເຕີຂຶ້ນໄປ ທັງໝົດ 17 ເທື່ອ, ສ່ວນແຜ່ນດິນໄຫວຄັ້ງນີ້ເປັນຄັ້ງຮ້າຍແຮງທີ່ສຸດ.
ຜູ້ໃຊ້ອິນເຕີເນັດ ຢູ່ ແຂວງເຫີເປີຍ, ນະຄອນຫຼວງປັກກິ່ງແລະນະຄອນທຽນສິນລ້ວນແຕ່ຢືນຢັນວ່າ ຮູ້ສຶກໄດ້ເຖິງແຮງສັ່ນສະເທືອນຈາກແຜ່ນດິນໄຫວ.
ເພື່ອຮັບປະກັນຄວາມປອດໄພໃນການແລ່ນລົດໄຟໂດຍສານ, ພາກສ່ວນທາງລົດໄຟຈີນໄດ້ປະຕິບັດແຜນການຮັບມືສຸກເສີນທັນທີ ໂດຍໄດ້ແຈ້ງໄປລັດໃຫ້ຂະບວນລົດໄຟທີ່ແລ່ນຜ່ານເຂດເກີດແຜ່ນດິນໄຫວຢຸດຈອດ ແລະກຳລັງຈັດສົ່ງພະນັກງານໄປກວດກາສິ່ງກໍ່ສ້າງແລະສິ່ງອຳນວຍຄວາມສະດວກຂອງທາງລົດໄຟຢ່າງຮອບດ້ານ.
ຄຳເຫັນ
0