ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄວາມມີຊີວິດຊີວາຂອງຊາວໜຸ່ມກໍເໝືອນດັ່ງດວງຕາເວັນຂື້ນໃນເວລາ 8-9ໂມງເຊົ້າ, ເປັນກຳລັງຫ້າວຫັນໜຸ່ມແໜ້ນທີ່ສຸດແລະມີຊີວິດຊີວາຫຼາຍທີ່ສຸດໃນສັງຄົມ. ຖ້າຊາວໜຸ່ມມີອຸດົມການ, ມີຄວາມຮູ້ຄວາມສາມາດແລະມີຄວາມຮັບຜິດຊອບ,ປະເທດກໍຈະມີອະນາຄົດ, ຊົນຊາດກໍຈະມີຄວາມຫວັງ; ຊາວໜຸ່ມຕ້ອງມີຄວາມສາມາດສະເພາະໂຕຈຶ່ງຈະສາມາດສ້າງຕົນເອງໃຫ້ເປັນຜູ້ມີຄວາມຮູ້ຄວາມສາມາດແລະຕອບບຸນແທນຄຸນປະເທດຊາດດ້ວຍຄວາມສາມາດຂອງຕົນ.
“ອະນາຄົດຂອງໂລກເປັນຂອງຄົນລຸ້ນຊາວໜຸ່ມ”, ສະນັ້ນການໃຫ້ຄວາມສຳຄັນຕໍ່ຊາວໜຸ່ມກໍຄືກັບການໃຫ້ຄວາມສຳຄັນຕໍ່ອະນາຄົດ. ນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັ້ງທີ 18 ເປັນຕົ້ນມາ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ສົ່ງສານຊົມເຊີຍແລະຕອບຈົດໝາຍຊາວໜຸ່ມຫຼາຍເທື່ອເພື່ອໃຫ້ກຳລັງໃຈແກ່ຊາວໜຸ່ມໃນການຕັ້ງເປົ້າໝາຍເພື່ອສະແຫວງຫາການສ້າງຄວາມສາມາດໃຫ້ກັບຕົວເອງໃຫ້ເຖິງລະດັບທີ່ ຜູ້ອື່ນບໍ່ມີແຕ່ເຮົາມີ, ຖ້າຜູ້ອື່ນມີແຕ່ເຮົາພັດໂດດເດັ່ນກວ່າແລະມີລະດັບສູງກວ່າ, ການຮ່ຳຮຽນໃຫ້ມີຄວາມຮູ້ຄວາມສາມາດທີ່ແທ້ຈິງ, ສ້າງຊີວິດທີ່ດີງາມດ້ວຍຄວາມດຸໝັ່ນຂະຫຍັ່ນພຽນ ແລະ ສະຕິປັນຍາ.
ວັນທີ15ກໍລະກົດແມ່ນວັນສີມືແຮງງານຊາວໜຸ່ມໂລກ. ຕໍ່ໄປພວກເຮົາຈະທົບທວນຄືນຄຳເວົ້າຂອງທ່ານສີຈິ້ນຜິງເພື່ອຮັບຮູ້ກ່ຽວກັບຄວາມເອົາໃຈໃສ່ຢ່າງເລິກເຊິ່ງຂອງທ່ານ ແລະ ການຝາກຄວາມມຸ້ງຫວັງຢ່າງສູງໄວ້ກັບຊາວໜຸ່ມທັງຫຼາຍ.
ຄຳເຫັນ
0