ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 27 ກໍລະກົດນີ້, ທ່ານໂຣດຣີໂກ ດູເຕີເຕ ປະທານາທິບໍດີຟິລິປິນໄດ້ສະເໜີບົດລາຍງານກ່ຽວກັບການຈັດຕັ້ງປະຕິບັດແຜນການແຫ່ງລັດຄັ້ງທີ 5 ຕໍ່ສະພາຕ່ຳ. ເນື້ອໃນຕົ້ນຕໍຂອງບົດລາຍງານນີ້ໄດ້ເນັ້ນໃສ່,ພາຍໃຕ້ສະພາບການແຜ່ລະບາດຢ່າງວ່ອງໄວຂອງພະຍາດໂຄວິດ-19, ລັດຖະບານຟິລິປິນໄດ້ເຮັດແນວໃດໃນຂະນະທີ່ຮັບມືກັບພະຍາດນັ້ນ, ກໍໄດ້ຊຸກຍູ້ການຟື້ນຟູເສດຖະກິດ.
ຂໍ້ມູນຈາກກະຊວງສາທາລະນະສຸກຟິລິບິນຊີ້ໃຫ້ເຫັນວ່າ: ຈົນເຖິງຕອນບ່າຍວັນທີ 27 ກໍລະກົດນີ້, ຟິລິປິນມີຜູ້ຕິດເຊື້ອພະຍາດໂຄວິດ-19 ທັງໝົດ 82040 ຄົນ, ມີຜູ້ເສຍຊີວິດ 1945 ຄົນ. ທ່ານດູເຕີເຕກ່າວວ່າ: ເນື່ອງຈາກລັດຖະບານໄດ້ນຳໃຊ້ມາດຕະການຢ່າງທັນເວລາ, ເຮັດໃຫ້ຈຳນວນຜູ້ຕິດເຊື້ອພະຍາດຫຼຸດລົງ 1,3 ລ້ານຫາ 3,5 ລ້ານຄົນ. ປັດຈຸບັນນີ້ລັດຖະບານຍັງພະຍາຍາມຍົກສູງຄວາມສາມາດກວດຫາເຊື້ອພະຍາດ, ແລະຍັງຍົກສູງຄວາມສາມາດປິ່ນປົວຂອງລະບົບການແພດຕື່ມອີກໃນປີ 2021, ການຮັບມືກັບພະຍາດໂຄວິດ-19 ໃນອານະຄົດຕ້ອງມີການອອກແບບລະດັບສູງສຸດ.
ທ່ານເວົ້າໂດຍກົງວ່າ: ເຖິງວ່າໄດ້ຮັບຜົນກະທົບຈາກພະຍາດໂຄວິດ-19 ກໍຕາມ, ແຕ່ສະພາບເສດຖະກິດຂອງຟິລິປິນໃນປັດຈຸບັນນີ້ຍັງສາມາດເຫັນໄດ້ວ່າມີທິດທາງທີ່ດີ.
ປັດຈຸບັນ, ຟິລິປິນໄດ້ເຂົ້າສູ່ໄລຍະການກະຕຸ້ນການຟື້ນຟູເສດຖະກິດພາຍຫຼັງການແຜ່ລະບາດພະຍາດ. ທ່ານດູເຕີເຕກ່າວວ່າ: ລັດຖະບານໄດ້ດຳເນີນວຽກງານທີ່ກ່ຽວຂ້ອງກັບພື້ນຖານໂຄງລ່າງມາກ່ອນແລ້ວ. ໂຄງການຮ່ວມມືຈີນ-ຟິລິປິນຫຼາຍໂຄງການໄດ້ຟື້ນຟູຄືນໃໝ່ຢ່າງຮອບດ້ານໂດຍພື້ນຖານ ເຊິ່ງຈະສາມາດຊ່ວຍຟິລິປິນຊຸກຍູ້ການພັດທະນາເສດຖະກິດໃນຕໍ່ໜ້າ. ໃນອະນາຄົດ, ລັດຖະບານຟິລິປິນມີແຜນການຊ່ວຍຟື້ນຟູທຸລະກິດຕື່ມອີກ, ໂດຍສະເພາະວິສາຫະກິດຂະໜາດກາງ ແລະນ້ອຍກໍຄືວິສາຫະກິດຂະໜາດຍ່ອມ.
ຄຳເຫັນ
0