ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ກໍລະກົດນີ້, ໃນງານສຳມະນາທາງວິດີໂອທີ່ສະພາມົນຕີອັດລັງຕິດ ເຊິ່ງເປັນຄັງປັນຍາຂອງອາເມຣິກາ ເປັນເຈົ້າພາບຈັດຂຶ້ນນັ້ນ, ທ່ານລີຊຽນລົງ ນາຍົກລັດຖະມົນຕີສິງກະໂປຢືນຢັນວ່າ ຫວັງວ່າ ປະທານາທິບໍດີອາເມຣິກາຊຸດຕໍ່ໄປຈະສາມາດປັບປຸງການພົວພັນກັບຈີນໃຫ້ໝັ້ນຄົງສາກ່ອນ, ເພາະວ່າ ສະຖຽນລະພາບແລະຄວາມຈະເລີນຮຸ່ງເຮືອງຢ່າງຍາວນານຂອງພາກພື້ນອາຊີແມ່ນຕ້ອງສ້າງຂຶ້ນຢູ່ບົນພື້ນຖານດັ່ງກ່າວ. ພ້ອມກັນນັ້ນ, ທ່ານຍັງຫວັງໃຫ້ຜູ້ນຳອາເມຣິກາຊຸດຕໍ່ໄປຈະສາມ່າດກຳນົດນະໂຍບາຍການຕ່າງປະເທດທີ່ໄດ້ຮັບຄວາມເປັນເອກະພາບກັນຈາກສອງພັກແລະເປັນນະໂຍບາຍທີ່ໝັ້ນທ່ຽງທັງສາມາດຄາດຄະເນໄດ້.
ໃນເວລາຕອບຄຳຖາມທີ່ກ່ຽວຂ້ອງ, ທ່ານລີຊຽນລົງກ່າວວ່າ: ບໍ່ວ່າຈະແມ່ນໃຜເປັນປະທານາທິບໍດີອາເມຣິກາຊຸດຕໍ່ໄປກໍຕາມ, ສິງກະໂປລ້ວນແຕ່ຫວັງວ່າການພົວພັນຈີນ-ອາເມຣິກາຈະສາມາດຮັກສາຄວາມໝັ້ນຄົງໄດ້, ພ້ອມດຽວກັນນີ້ພັກລີພັບບຣີກັນແລະພັກເດໂມເຄຣັດຂອງອາເມຣິກາຈະສາມາດບັນລຸຄວາມເປັນເອກະພາບກັນກ່ຽວກັບນະໂຍບາຍ ຂອງອາເມຣິກາທີ່ມີຕໍ່ອາຊີ ເພື່ອຮັບປະກັນໃຫ້ການພົວພັນລະຫວ່າງອາເມຣິກາກັບປະເທດໃນພາກພື້ນອາຊີມີຄວາມໝັ້ນຄົງເພື່ອບໍ່ໃຫ້ເກີດປາກົດການທີ່ມີຈຸດຢືນປ່ຽນໄປປ່ຽນມາເນື່ອງຈາກການຜັດປ່ຽນກັນຂຶ້ນກຳອຳນາດຂອງສອງພັກດັ່ງກ່າວ.
ຄຳເຫັນ
0