ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ກໍລະກົດນີ້, ທ່ານມາກ ເອສເປີ ລັດຖະມົນຕີກະຊວງປ້ອງກັນປະເທດອາເມຣິກາກ່າວວ່າ: ອາເມຣິກາມີແຜນຈະຖອນທະຫານເກືອບ 12,000 ຄົນອອກຈາກເຢຍລະມັນ ແລະຈະມີການສັບຊ້ອນກຳລັງອີກຄັ້ງໃໝ່ ເຊິ່ງຈຳນວນທະຫານຂອງກອງທັບອາເມຣິກາປະຈຳເຢຍລະມັນຈາກປະມານ 36,000 ຄົນໃນປັດຈຸບັນຈະຫຼຸດລົງເປັນປະມານ 24,000 ຄົນ.
ທ່ານເອສເປີໄດ້ກ່າວໃນກອງປະຊຸມຖະແຫຼງຂ່າວຢູ່ທຳນຽບ 5 ແຈໃນມື້ດຽວກັນວ່າ: ໃນຈຳນວນທະຫານອາເມຣິກາທີ່ຈະຖອນອອກນັ້ນ, ເກືອບ 5600 ຄົນຈະສັບຊ້ອນໄປປະຈຳຢູ່ແບນຊິກ, ອີຕາລີ, ອັງກິດແລະປະເທດເອີຣົບອື່ນໆ, ມີປະມານ 6400 ຄົນຈະສົ່ງກັບຄືນສູ່ອາເມຣິກາ.
ທ່ານເອສເປີກ່າວວ່າ: ແຜນການສັບຊ້ອນກຳລັງອີກຄັ້ງໃໝ່ຂອງກອງທັບອາເມຣິກາເທື່ອນີ້ ຈະມີຜົນດີຕໍ່ການຍົກສູງຄວາມສາມາດຂອງອົງການນາໂຕ, ເພີ່ມຄວາມໜ້າເກງຂາມໃຫ້ກັບຣັດເຊຍ. ແຜນການນີ້ຈະເລີ່ມປະຕິບັດໃນຫຼາຍອາທິດຕໍ່ໜ້າ ແລະອາດຈະມີຄ່າໃຊ້ຈ່າຍຫຼາຍສິບຕື້ໂດລາສະຫະລັດ.
ເດືອນມິຖຸນາຜ່ານມານີ້, ທ່ານໂດໂນ ທຣຳ ປະທານາທິບໍດີອາເມຣິກາໄດ້ປະກາດວ່າ: ຈະຫຼຸດຈຳນວນທະຫານອາເມຣິກາປະຈຳຢູ່ເຢຍລະມັນລົງເຫຼືອ 25,000 ຄົນ ເປັນຍ້ອນເຢຍລະມັນບໍ່ໄດ້ຈ່າຍຄ່າອຸດໜູນທາງການທະຫານຕາມກຳນົດ. ຕໍ່ເລື່ອງນີ້, ທ່ານນາງແອນເຈີລາ ເມີເຄ້ວ ນາຍົກລັດຖະມົນຕີເຢຍລະມັນໄດ້ໃຫ້ສຳພາດຕໍ່ນັກຂ່າວວ່າ: ຖ້າວ່າອາເມຣິກາບໍ່ຍິນດີແບກຫາບໜ້າທີ່ຂອງໄລກໃນຖະນະປະເທດໃຫຍ່ແລ້ວ, ເອີຣົບຄວນປະເມີນການພົວພັນລະຫວ່າງເອີຣົບກັບອາເມຣິກາຄືນໃໝ່.
ຄຳເຫັນ
0