ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ກໍລະກົດນີ້, ທ່ານເທໂດຼສ ຜູ້ອຳນວຍການໃຫຍ່ອົງການອະນາໄມໂລກໄດ້ປະກາດວ່າ: ອົງການອະນາໄມໂລກໄດ້ສ້າງຕັ້ງໜ່ວຍງານໃຫ້ຄຳປຶກສາກ່ຽວກັບການສັງເກດການປະພຶດແລະເຕັກນິກວິທະຍາສາດດ້ານສຸຂະພາບຮ່າງກາຍ ເຊິ່ງເປັນມາດຕະການໃໝ່ເພື່ອຊ່ວຍຕ້ານກັບພະຍາດໂຄວິດ-19.
ທ່ານເທໂດຼສໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດຽວກັນວ່າ: ໜ່ວຍງານໃຫ້ຄຳປຶກສາເຕັກນິກປະກອບດ້ວຍຜູ້ຊ່ຽວຊານພາຍນອກ 22 ທ່ານທີ່ມາຈາກ 16ປະເທດ ເຊິ່ງຈະເປັນຜູ້ໃຫ້ຄຳແນະນຳແກ່ອົງການອະນາໄມໂລກກ່ຽວກັບການເພີ່ມທະວີ ແລະປັບປຸງການປະຍຸກທະຍາສາດກ່ຽວກັບການປະພຶດວິທະຍາສາດ ສັງຄົມໃນຂົງເຂດສາທາລະນະສຸກ ເຊິ່ງລວມທັງສະພາບພະຍາດໂຄວິດ-19.
ອົງການອະນາໄມໂລກກ່າວວ່າ: ມີຫຼັກຖານຢືນຢັນວ່າ ສາເຫດສ່ວນໜຶ່ງທີ່ເຮັດໃຫ້ບາງປະເທດມີຜູ້ເປັນພະຍາດເພີ່ມໃໝ່ຢ່າງຫຼວງຫຼາຍ ກໍຍ້ອນວ່າຊາວໜຸ່ມທີ່ຢູ່ຊີກໂລກເໜືອໄດ້ລະເຫຼີງສະຕິລະວັງຕົວຕໍ່ພະຍາດໃນລະດູຮ້ອນ. ທ່ານເທໂດຼສກ່າວເນັ້ນວ່າ: ເມື່ອຜະເຊີນກັບພະຍາດໂຄວິດ-19, ຊາວໜຸ່ມບໍ່ແມ່ນກຸ່ມຄົນທີ່ຈະສາມາດຕ້ານທານກັບພະຍາດໄດ້, ເຂົາເຈົ້າກໍຈະຖືກຕິດແປດເຊື້ອພະຍາດ, ອາດຈະເສຍຊີວິດ, ຍັງຈະເປັນຜູ້ແຜ່ເຊື້ອພະຍາດໃຫ້ກັບຄົນອື່ນອີກດ້ວຍ. ທ່ານຮຽກຮ້ອງໃຫ້ຊາວໜຸ່ມຈົ່ງໃຊ້ມາດຕະການປ້ອງກັນທີ່ຄືກັນ ເພື່ອປ້ອງກັນຕົນເອງແລະຄົນອື່ນ.
ຄຳເຫັນ
0