ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ກໍລະກົດນີ້, ທ່ານເຣີ້ນກົວຊຽງ ໂຄສົກກະຊວງປ້ອງກັນປະເທດຈີນກ່າວໃນກອງປະຊຸມຖະແຫຼງຂ່າວວ່າ: ການທ້າທາຍເກາະຜິດຢູ່ທະເລຈີນໃຕ້ຂອງອາເມຣິກາພຽງແຕ່ເຮັດໃຫ້ຈີນເພີ່ມຄວາມເດັດດ່ຽວໃນການປົກປັກຮັກສາສິດອຳນາດອະທິປະໄຕ ແລະຄວາມໝັ້ນຄົງຂອງຕົນ ແລະເດັດດ່ຽວປົກປັກຮັກສາສັນຕິພາບ ແລະສະຖຽນລະພາບຢູ່ທະເລຈີນໃຕ້ຕື່ມອີກ.
ນັບແຕ່ຕົ້ນເດືອນກໍລະກົດນີ້ເປັນຕົ້ນມາ, ກະຊວງການຕ່າງປະເທດອາເມຣິກາໄດ້ອອກຖະແຫຼງການກ່ຽວກັບທະເລຈີນໃຕ້ ເຊິ່ງໄດ້ຕຳໜິວິຈານຈີນຢ່າງໄຮ້ສາເຫດ. ທ່ານເຣີ້ນກົວຊຽງກ່າວວ່າ: ຈີນເດັດດ່ຽວຄັດຄ້ານຖະແຫຼງການດັ່ງກ່າວຂອງອາເມຣິກາ. ອາເມຣິກາບໍ່ໃຫ້ຄວາມສົນໃຈຕໍ່ປະຫວັດຄວາມເປັນມາ ແລະຄວາມເປັນຈິງພາວະວິໄສຂອງບັນຫາທະເລຈີນໃຕ້, ລະເມີດຄຳໝັ້ນສັນຍາຂອງຕົນວ່າຈະບໍ່ສະແດງຈຸດຢືນກ່ຽວກັບບັນຫາອະທິປະໄຕໃນທະເລຈີນໃຕ້, ຕຳໜິວິຈານຈີນຢ່າງໄຮ້ສາເຫດຕາມລຳພັງໃຈ ແລະຍຸຍົງສົ່ງເສີມ ເພື່ອສ້າງຄວາມຂັດແຍ້ງລະຫວ່າງປະເທດຢູ່ພາກພື້ນ, ໄດ້ຈັດສົ່ງ “ກຳປັ່ນບັນທຸກເຮືອບິນ” ສອງລຳມາຊ້ອມຮົບຢູ່ທະເລຈີນໃຕ້ ເຊິ່ງໄດ້ສະແດງໃຫ້ເຫັນ “ລັດທິເຈົ້າອຳນາດ” ແລະສອງມາດຕະຖານຂອງອາເມຣິກາ. ອາເມຣິກາຖືວ່າຕົນເອງ “ເປັນສານໂລກ" ກ່ຽວກັບບັນຫາທະເລຈີນໃຕ້, ທີ່ຈິງແລ້ວແມ່ນຜູ້ທ້າທາຍເກາະຜິດຢູ່ທະເລຈີນໃຕ້, ຜູ້ທຳລາຍການຮ່ວມມືຢູ່ພາກພື້ນ ແລະຍຸຍົງສົ່ງເສີມເພື່ອສ້າງຄວາມຂັດແຍ້ງລະຫວ່າງປະເທດ.
ຄຳເຫັນ
0