ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໃຈຂອງພໍ່ແມ່ເຂົາເຈົ້າຄືທະຫານນ້ອຍ; ໃນໃຈຂອງຜູ້ບ່າວຜູ້ສາວ, ເຂົາເຈົ້າຄືອ້າຍບ່າວທະຫານ ແລະກຸຫຼາບເຫຼັກ; ໃນໃຈຂອງປະຊາຊົນເຂົາເຈົ້າຄືທະຫານຜູ້ເປັນລູກຫຼານທີ່ມາຊ່ວຍເຫຼືອແກ້ໄຂຄວາມຫຍຸ້ງຍາກ.
ຢູ່ປະເທດຈີນ, ເຂົາເຈົ້າຖືກຂະໜາມນາມວ່າ “ຜູ້ທີ່ໜ້າຮັກທີ່ສຸດ”, “ນັກຮົບຜູ້ເປັນລູກຫຼານຂອງປະຊາຊົນ” ແລະ “ກຳແພງເຫຼັກກ້າ”, ບໍ່ວ່າຈະແມ່ນໜ້າທີ່ປ້ອງກັນປະເທດໃນຍາມສົງຄາມ ຫຼືປ້ອງກັນຊາຍແດນຂອງປະເທດຊາດ; ບໍ່ວ່າໃນເວລາຕ້ານກັບພະຍາດໂຄວິດ-19 ຫຼືກູ້ໄພນ້ຳຖວ້ມ, ເຂົາເຈົ້າລ້ວນແຕ່ແມ່ນກຳລັງສຳຄັນໃນການປົກປ້ອງຄວາມໝັ້ນຄົງຂອງຊາດ ແລະຄວາມປອດໄພຂອງປະຊາຊົນ.
ຢູ່ຕ່າງປະເທດ, ເຂົາເຈົ້າສັງກັດໃນກອງທັບ “ໝວກສີຟ້າ”, ຢູ່ 7 ເຂດແຄວ້ນເພື່ອເຮັດໜ້າທີ່ຮັກສາສັນຕິພາບຂອງອົງການສະຫະປະຊາຊາດ, ເຂົາເຈົ້າເປັນກຳລັງທີ່ເດັດດ່ຽວເຂັ້ມແຂງໃນການປົກປັກຮັກສາສັນຕິພາບຂອງໂລກ.
ຊື່ດຽວກັນຂອງເຂົາເຈົ້າແມ່ນ: ກອງທັບປົດປ່ອຍປະຊາຊົນຈີນ
ວັນເກີດຮ່ວມຂອງເຂົາເຈົ້າແມ່ນ: ວັນທີ 1 ສິງຫາປີ 1927. ມື້ນີ້ແມ່ນວັນເກີດຂອງເຂົາເຈົ້າ.
ການສວນສະໜາມເພື່ອສະເຫຼີມສະຫຼອງວັນສ້າງຕັ້ງກອງທັບປົດປ່ອຍປະຊາຊົນຈີນ
ຄົບຮອບ 90 ປີທີ່ຈັດຂຶ້ນໃນວັນທີ 30 ກໍລະກົດປີ 2017
ກ້ອນກຳລັງສວນສະໜາມເພື່ອສະເຫຼີມສະຫຼອງ
ວັນສ້າງຕັ້ງກອງທັບປົດປ່ອຍປະຊາຊົນຈີນຄົບຮອບ 90 ປີ
ທະຫານທີ່ປະກອບອາວຸດຄົບຊຸດໄດ້ຂີ່ລົດບັນທຸກແລ່ນຜ່ານເວທີທ່ານປະທານ
ທະຫານຮັກສາສັນຕິພາບຈີນເຟົ້າຍາມຢູ່ຄ້າຍທະຫານຮັກສາສັນຕິພາບວາອຸປະເທດຊູດັງໃຕ້
ກອງຮ້ອຍສູ້ຮົບພິເສດປະຈຳຢູ່ເຂດບໍລິຫານພິເສດຮົງກົງດຳເນີນການຝຶກຊ້ອມຕ້ານການກໍ່ການຮ້າຍ
ການຝຶກຊ້ອມຮ່ວມກັນຂອງກອງທັບເຮືອສະເທືອນນຳສະເທືອນບົກຈີນ-ຣັດເຊຍ
ທີ່ຈັດຂຶ້ນຢູ່ນະຄອນຈ້ານຈ່ຽງຈີນ
ກອງດຸລິຍາງກອງທັບປົດປ່ອຍປະຊາຊົນຈີນບັນເລງເພງປະຈຳຂອງຕົນຢູ່ຕີນກຳແພງເມືອງຈີນ
ການຝຶກຊ້ອມຂອງກອງພົນໜຶ່ງໃນກອງທັບປົດປ່ອຍປະຊາຊົນຈີນ
ວັນປົກກະຕິ, ປະຊາຊົນບໍ່ຮູ້ຈັກເຂົາເຈົ້າ, ຊຸດການທະຫານສີຂຽວແມ່ນສີທຳມະດາທີ່ສຸດ. ໃນເວລາມີຄວາມຜາສຸກ, ປະຊາຊົນກໍບໍ່ສົມໃຈເຂົາເຈົ້າ, ເຄື່ອງໝາຍສີແດງຢູ່ເທິງໝວກຂອງເຂົາເຈົ້າເຫຼື້ອມຍິບຍິບຢູ່ຫ່າງໄກ. ແຕ່ໃນວິກິດການ, ເຂົາເຈົ້າຈະກາຍເປັນໂລ່ຂອງປະຊາຊົນ.
ນັກຮົບແມ່ຍິງລຶບນໍ້າຕາຂອງລູກ ແລະກຽມໄປນະຄອນອູຮັ້ນ
ນັກຮົບແມ່ຍິງໃນຮູບພາບນີ້ຊື່ອູຢາລີ້ ແມ່ນພະນັກງານຂອງມະຫາວິທະຍາໄລການແພດກອງທັບທາງບົກຈີນ, ໃນວັນທີ 30 ທັນວາຕາມຈັນທະຄະຕິຈີນ, ນາງໄດ້ຮັບຄຳສັ່ງໃຫ້ເຂົ້າຮ່ວມໜ່ວຍງານການແພດເພື່ອເດີນທາງໄປແຖວໜ້າເພື່ອປ້ອງກັນ ແລະຄວບຄຸມພະຍາດໂຄວິດ-19 ຢູ່ນະຄອນອູຮັ້ນ. “ຢ່າຮ້ອງໄຫ້, ແມ່ໄປຊ່ວຍເຫຼືອຄົນຫຼາຍກວ່າເກົ່າ.” ນັກຮົບເພດຍິງຜູ້ນີ້ໄດເອົາມືສອງເບື້ອງລູນໂຈມໃບໜ້າຂອງລູກສາວ ພາບນີ້ໄດ້ສ້າງຄວາມປະທັບໃຈໃຫ້ປະຊາຊົນເປັນຈຳນວນຫຼວງຫຼາຍ.
ເດັກນ້ອຍທີ່ຫາກໍ່ເກີດໃໝ່ໃນເວລາຕ້ານກັບພະຍາດໂຄວິດ-19 ຢູ່ໂຮງໝໍເຂດສູ້ຮົບພາກກາງ
ທ່ານນາງເຊີນຢີງ ຮອງຫົວໜ້າພະແນກປະສູດຂອງໂຮງໝໍເຂດສູ້ຮົບພາກກາງ ກໍຄືພະນັກງານການແພດໄດ້ເຂົ້າໄປຊ່ວຍກອບກູ້ເປັນເວລາ 14 ວັນ ຈົ່ງໃຫ້ຜະດຸງຄັນທີ່ເຊື້ອພະຍາດໂຄວິດ-19 ເກີດລູກຢ່າງມີສຸຂະພາບແຂງແຮງ, ເດັກນ້ອຍບໍ່ເຊື້ອພະຍາດ.
ທ່ານນາງເຊີນເວີ່ຍຊັກຢາວັກແຊັງກ່ອນຈະອອກເດີນທາງໄປນະຄອນອູຮັ້ນ
ທ່ານນາງບັນດິດເຊີນເວີ່ຍ, ແມ່ນຜູ້ຊ່ຽວຊານດ້ານເຊື້ອພະຍາດຈຸລະຊີບ ແລະລະບາດວິທະຍາຈີນ ທັງແມ່ນນາຍພົນເພດຍິງ. ໃນປີ 2003, ນາງໄດ້ໄປຮອດໄປເຖິງໂຮງໝໍໂລກ SARS ທົ່ວປະເທດຈີນທັງໝົດ 83 ແຫ່ງ ເພື່ອຄົ້ນຄວ້າຢາຕ້ານກັບພະຍາດທົ່ວໄປກັບທີມງານຄົ້ນຄວ້າ ເຊິ່ງໄດ້ເສີມຂະຫຍາຍບົດບາດທີ່ສຳຄັນໃນການຕ້ານພະຍາດ SARS; ໃນປີ 2014, ຢູ່ແນວໜ້າຕ້ານກັບພະຍາດ Ebola, ນາງພ້ອມດ້ວຍຄະນະໄດ້ຄົ້ນຄວ້າຢາວັກແຊັງ ເຊິ່ງເປັນຢາວັກແຊັງທີ່ຄົ້ນຄວ້າດ້ວຍຕົນເອງຂອງຈີນທີ່ທົດລອງຢູ່ຕ່າງປະເທດຢ່າງສຳເລັດຜົນເປັນເທື່ອທຳອິດ, ສະນັ້ນ ນາງຈຶ່ງຖືກຂະໜາມນາມໂດຍປະຊາຊົນທ້ອງຖິ່ນວ່າ “ຜູ້ດັບສູນເຊື້ອພະຍາດ”. ໃນປີ 2020, ຢາວັກແຊັງຕ້ານກັບພະຍາດໂຄວິດ-19 ທີ່ຄົ້ນຄວ້າໂດຍທີມງານຄົ້ນຄວ້າວິທະຍາສາດທີ່ນຳພາໂດຍນາງເຊີນເວີ່ຍໄດ້ຖືກຮັບຮອງການຂຶ້ນທະບຽນ ເພື່ອຄົ້ນຄວ້າໃນການປິ່ນປົວຕົວຈິງໂດຍໄດເຂົ້າສູ່ການທົດລອງຢູ່ໂຮງໝໍຢ່າງເປັນທາງການ ເຊິ່ງໄດ້ສ້າງຄວາມຫວັງໃຫ້ປະຊາຊົນ.
“ສະພາບພະຍາດລະບາດຄືພາວະສົງຄາມ, ເຂດເກີດພະຍາດຄືເຂດສຸ້ຮົບ” ນາງກ່າວວ່າ: ວຽກງາອເຫຼົ່ານີ້ລ້ວນແຕ່ແມ່ນສິ່ງທີ່ຕົນຄວນເຮັດເພື່ອໃຫ້ສົມກັບຊຸດທະຫານທີ່ຕົນໃສ່ໃນຖານະທະຫານຈີນ.
ເດືອນກໍລະກົດປີ 2020, ຢູ່ພາກໃຕ້ຂອງຈີນໄດ້ມີຝົນຕົກໜັກດຕໍ່ກັນຫຼາຍມື້ ໂດຍໄດ້ເຮັດໃຫ້ຫຼາຍແຫ່ງເກີດມີໄພນ້ຳຖ້ວນ. ທະຫານກອງທັບປົດປ່ອຍປະຊາຊົນຈີນ, ນາຍແລະພົນທະຫານກອງຕຳຫຼວດປະກອບອາວຸດແລະທະຫານລາດຈຳນວນ 33,000 ກວ່າຄົນໄດ້ສູ້ຊົນຢ່າງຄຽງບ່າຄຽງໄຫຼ່ຢູ່ແນວໜ້າຕ້ານໄພນ້ຳຖ້ວມ ເພື່ອຮັກສາຄວາມປອດໄພດ້ານຊີວິດແລະຊັບສິນຂອງປະຊາຊົນຢ່າງສຸດຄວາມສາມາດ.
ຫວ່າງມໍ່ໆນີ້, ທະຫານທີ່ໄປຕ້ານໄພນໍ້າຖ້ວມຢູ່ຕາແສງກາງໂຂ້ເຈ່ຍຂອງແຂວງຈ່ຽງຊີ່ໄດ້ເຮັດສຳເລັດໜ້າທີ່ພາຍຫຼັງໄດ້ສູ້ຊົນເປັນເວລາ 10 ກວ່າມື້. ເພື່ອບໍ່ສ້າງຄວາມລຳບາກໃຫ້ກັບພວກຊາວບ້ານ, ພວກທະຫານຕັ້ງໃຈເວົ້ານຳຊາວບ້ານວ່າ: ຈະອອກຈາກບ້ານໃນເວລາ 7 ໂມງຂອງຕອນເຊົ້າມື້ທີສອງ, ແຕ່ເຂົາເຈົ້າໄດ້ອອກຈາກບ້ານຢ່າງງຽບໆໃນຕອນຂ້ອນແຈ້ງ. ຊາວບ້ານມີແຜນຈະຈັດພິທີສົ່ງທະຫານກັບຄືນກົມກອງດ້ວຍການຕີກອງທີ່ມີເອກະລັກພິເສດຂອງທ້ອງຖິ່ນ ແຕ່ບໍ່ທັນເວລາໃນທີ່ສຸດ. ປ້າຊາວ ໜຶ່ງໃນທິມຕີກອງນ້ຳຕາໄຫຼຈົນຕາແດງ ທັງເວົ້າວ່າ: “ເສຍດາຍຫຼາຍແທ້ໆທີ່ພາດໂອກາດໄປສົ່ງເຂົາເຈົ້າ, ເຂົາເຈົ້າກໍຄືລູກຫຼານຂອງພວກເຮົາ, ມີອາຍຸນ້ອຍແຕ່ລຳບາກຫຼາຍ. ເຂົາເຈົ້າເກັ່ງຫຼາຍ!”
“ຕ້ອງສູ້ຊົນຢ່າງຄຽງບ່າຄຽງໄຫຼ່ກັບປະຊາຊົນນັບເປັນພັນເປັນໝື່ນຄົນ, ນໍ້າໄຫຼຖ້ວມບໍ່ຢຸດ, ພວກເຮົາກໍຈະບໍ່ຢຸດ!” ນີ້ແມ່ນຄຳໝັ້ນສັນຍາທີ່ໜັກແໜ້ນຂອງທະຫານຈີນທີ່ໃຫ້ໄວ້ກັບປະຊາຊົນ ດັ່ງທີ່ທ່ານສີຈິ້ນຜິງກ່າວວ່າ: “ຮາກເຫງົ້າຂອງກອງທັບປະຊາຊົນຕ້ອງຝັງເລິກຢູ່ໃນດິນໜາທ່າມກາງປະຊາຊົນ, ກຳລັງຍິ່ງໃຫຍ່ຂອງສົງຄາມປະຊາຊົນ ໄດ້ມາຈາກກຳລັງທີ່ຍິ່ງໃຫຍ່ຂອງປະຊາຊົນ. ທົ່ວກອງທັບຕ້ອງຍຶດໝັ້ນໃນການຖືເອົາປະຊາຊົນໄວ້ຢູ່ໃນໃຈ, ຈື່ຈຳໜ້າທີ່ອັດສະຈັນທີ່ແບກປືນໃສ່ບ່າເພື່ອປະຊາຊົນ ແລະສູ້ຮົບເພື່ອປະຊາຊົນ, ປົກປ້ອງການອອກແຮງງານແລະການດຳລົງຊີວິດທີ່ມີສັນຕິພາບຂອງປະຊາຊົນຢ່າງເດັດດ່ຽວ.”
ປະຊາຊົນຈີນຜູ້ໃຊ້ອິນເຕີເນັດໄດ້ຂຽນຄຳເຫັນໄວ້ວ່າ: ຄຳວ່າ “ກອງທັບປົດປ່ອຍປະຊາຊົນຈີນ” ສຳລັບພໍ່ແມ່ປະຊາຊົນຈີນແລ້ວມີຄວາມໝາຍວ່າ: ອາໄສໄດ້ແທ້ໆ, ເຊື່ອໃຈໄດ້ແທ້ໆ, ເອົາຊະນະໄດ້ແທ້ໆ!
ຈີນໄດ້ສົ່ງຜູ້ສັງເກດການທາງການທະຫານເພື່ອເຄື່ອນໄຫວຮັກສາສັນຕິພາບ
ຂອງອົງການສະຫະປະຊາຊາດເປັນຄັ້ງທຳອິດ
ເລີ່ມແຕ່ປີ 1990 ຈີນໄດ້ສົ່ງຜູ້ສັງເກດການທາງການທະຫານຊຸດທຳອິດເປັນຕົ້ນມາ, ຈີນໄດ້ຈັດສົ່ງນາຍແລະພົນທະຫານຮັກສາສັນຕິພາບ 4 ໝື່ນກວ່າເທື່ອຄົນ, ກາຍເປັນປະເທດສຳຄັນດ້ານການຈັດສົ່ງກຳລັງທະຫານ ແລະ ອອກທຶນໃນການເຄື່ອນໄຫວຮັກສາສັນຕິພາບຂອງອົງການສະຫະປະຊາຊາດ. ປະຈຸບັນມີທະຫານຈີນ 2500ກວ່າຄົນພວມເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ, ຍັງມີກອງທະຫານຮັກສາສັນຕິພາບຂະໜາດ 8000 ຄົນຄອຍຖ້າຟັງຄຳສັ່ງເພື່ອອອກເດີນທາງ ໃນທຸກເວລາ. ພາຍໃນໄລຍະເວລາ 30 ປີຜ່ານມາ, ກອງທະຫານຮັກສາສັນຕິພາບຂອງຈີນຫຼາຍຊຸດບໍ່ຢ້ານກົວຕໍ່ຄວາມຫຍຸ້ງຍາກລຳບາກ, ໄດ້ນຳເອົາສັນຕິພາບ ແລະ ຄວາມຫວັງມາໃຫ້ແກ່ເຂດແຄວ້ນທີ່ເກີດມີການປະທະກັນ ກໍຄືປະຊາຊົນຢູ່ແຫ່ງນັ້ນ, ກາຍເປັນກຳລັງທີ່ເຂັ້ມແຂງໃນການຮັກສາສັນຕິພາບ.
ແພດໝໍທະຫານຈີນພວມຂົນສົ່ງຕົວແບບເຊື້ອພະຍາດອີໂບລາ
ທີ່ຍັງມີຊີວິດຢູ່ທີ່ອັນຕະລາຍທີ່ສຸດທີ່ປະເທດເຊຍຣາເລອອນ
ເຊື້ອພະຍາດອີໂບລາເປັນເຊື້ອພະຍາດທີ່ມີຄວາມອັນຕະລາຍຮ້າຍແຮງທີ່ສຸດຕໍ່ຊີວິດມະນຸດໃນປະຫວັດສາດຂອງມວນມະນຸດ, ຫຼັງຈາກຕິດເຊື້ອແລ້ວອັດຕາເສຍຊີວິດແມ່ນສູງທີ່ສຸດ. ປີ 2014, ເຊື້ອພະຍາດອີໂບລາໄດ້ແຜ່ລະບາດຢູ່ອາຟຣິກາ. ປະເທດລີເບເຣຍຢູ່ພາກຕາເວັນຕົກອາຟຣິກາແມ່ນປະເທດໜຶ່ງທີ່ມີການແຜ່ລະບາດຢ່າງຮ້າຍແຮງທີ່ສຸດ. ໃນໄລຍະທີ່ອັນຕະລາຍ, ກອງທະຫານຮັກສາສັນຕິພາບຂອງຈີນໄດ້ຍຶດໝັ້ນເຝົ້າປະຈຳການ, ກອງທະຫານຊ່າງແສງໄດ້ສືບຕໍ່ເຮັດວຽກຢ່າງເປັນປົກກະຕິຕາມເສັ້ນທາງສາຍຫຼັກ 3 ສາຍຢູ່ແຫ່ງນັ້ນ; ໃນທ້າຍປີ 2018, ເຊື້ອພະຍາດອີໂບລາໄດ້ແຜ່ລະບາດອີກເທື່ອໜຶ່ງ. ໜ່ວຍແພດໝໍຂອງກອງທະຫານຮັກສາສັນຕິພາບຈີນຢູ່ສາທາລະນະລັດປະຊາທິປະໄຕກົງໂກໄດ້ປະຕິບັດຕາມແນວຄວາມຄິດທີ່ “ຍ້າຍປ້ອມປ້ອງກັນໄປແນວໜ້າ, ຖືເອົາການປ້ອງກັນເປັນຕົ້ນຕໍ, ໄດ້ເດີນທາງ 2 ໝື່ນກວ່າກິໂລແມັດ ເພື່ອດຳເນີນການກວດພະຍາດ ແລະ ປິ່ນປົວຄົນເຈັບແບບສັນຈອນ, ເຊິ່ງໄດ້ຮັບການຍ້ອງຍໍຊົມເຊີຍຢ່າງສູງຈາກອງທະຫານຮັກສາສັນຕິພາບຂອງອົງການສະຫະປະຊາຊາດປະຈຳສາທາລະນະລັດປະຊາທິປະໄຕກົງໂກ ກໍຄືນາຍ ແລະ ພົນທະຫານປະຈຳຄ້າຍທະຫານ.
ໃນ 30 ປີຜ່ານມາ, ກອງທະຫານຮັກສາສັນຕິພາບຂອງຈີນໄດ້ສ້ອມແປງ ແລະ ສ້າງເສັ້ນທາງໃໝ່ປະມານ 15000 ກິໂລແມັດ, ແລະ ຂົວ 300ກວ່າແຫ່ງ; ໄດ້ກູ້ມິນ ແລະ ເຄື່ອງລະເບີດທີ່ບໍ່ທັນແຕກຊະນິດຕ່າງໆ 10000 ກວ່າລູກ; ໄດ້ຂົນສົ່ງອຸປະກອນປະເພດຕ່າງໆຫຼາຍກວ່າ 1,3 ລ້ານໂຕນ, ລວມໄລຍະທາງ 13 ລ້ານກວ່າກິໂລແມັດ; ຮັບປິ່ນປົວຄົນເຈັບ 2 ແສນກວ່າເທື່ອຄົນ; ສຳເລັດການລາດຕະເວນໄລຍະໄກ ໄລຍະສັ້ນ, ການປ້ອງກັນດ້ວຍກຳລັງອາວຸດ, ການກວດຄົ້ນຄ້າຍຊາວອົບພະຍົບ, ການຕິດຕາມ ແລະ ການຕິດຕໍ່ພົວພັນ, ການສຳຫຼວດເພື່ອການເຈລະຈາຢ່າງນັບບໍ່ຖ້ວນ. “ຄຸນນະພາບຈີນ” “ມາດຕະຖານຈີນ” ແລະ “ຄວາມໄວຈີນ” ໄດ້ຮັບການຕີລາຄາສູງຈາກອົງການສະຫະປະຊາຊາດ ແລະ ປະຊາຄົມໂລກ. ທ່ານຢັນ ປີເອວ ລາກລູວາ ຮອງເລຂາທິການໃຫຍ່ອົງການສະຫະປະຊາຊາດທີ່ຮັບຜິດຊອບວຽກງານຮັກສາສັນຕິພາບກ່າວວ່າ: “ໃນໄລຍະ 30 ປີຜ່ານມານີ້, ເຈົ້າໜ້າທີ່ຮັກສາສັນຕິພາບຂອງຈີນ ເຊິ່ງລວມທັງທະຫານເສນາ ທະຫານ ແລະ ຕຳຫຼວດ, ໄດ້ເສີມຂະຫຍາຍບົດບາດທີ່ສຳຄັນຍິ່ງໃນການເຄື່ອນໄຫວຮັກສາສັນຕິພາບຫຼາຍຄັ້ງຂອງອົງການສະຫະປະຊາຊາດ.” ສະຖາບັນຄົ້ນຄວ້າສັນຕິພາບສາກົນສະໂຕກໂຣມປະເທດຊູແອັດໄດ້ເຜີຍແຜ່ບົດລາຍງານການຄົ້ນຄວ້າໂດຍຕີລາຄາວ່າ, ກອງທະຫານຮັກສາສັນຕິພາບຂອງຈີນແມ່ນ “ກອງທະຫານທີ່ມີລັກສະນະມືອາຊີບທີ່ສຸດ ມີປະສິດທິພາບສູງສຸດ ຝຶກຊ້ອມໄດ້ມາດຕະຖານທີ່ສຸດ ແລະ ເຄົາລົບລະບຽບວິໄນທີ່ສຸດ” ໃນຈຳນວນກອງທະຫານປະຕິບັດໜ້າທີ່ຂອງສະຫະປະຊາຊາດ.
ວັນທີ 29 ພຶດສະພາປີ 2014, ທ່ານແຈນ ເອລີອາຊັນ ຮອງເລຂາທິການໃຫຍ່ຜູ້ປະຈຳການຂອງອົງການສະຫະປະຊາຊາດໃນເວລານັ້ນປະດັບຫຼຽນໄຊໃຫ້ແກ່ທະຫານຮັກສາສັນຕິພາບຂອງຈີນໃນກິດຈະກຳລະນຶກວັນເຈົ້າໜ້າທີ່ຮັກສາສັນຕິພາບສາກົນທີ່ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຊາດຢູ່ທີ່ນະຄອນນິວຢອກ.
"ຈີນແມ່ນຜູ້ເສີມສ້າງສັນຕິພາບຂອງໂລກ ຜູ້ປະກອບສ່ວນເຂົ້າໃນການພັດທະນາຂອງໂລກ ແລະ ຜູ້ຮັກສາລະບຽບການສາກົນຢ່າງສະເໝີຕົ້ນສະເໝີປາຍ, ກອງທັບຈີນແມ່ນກຳລັງທີ່ເດັດດ່ຽວເຂັ້ມແຂງໃນການຮັກສາສັນຕິພາບຂອງໂລກຢ່າງສະເໝີຕົ້ນສະເໝີປາຍ. ກອງທັບຈີນຈະດຳເນີນການແລກປ່ຽນ ແລະ ການຮ່ວມມືສາກົນທາງການທະຫານຄືທີ່ເຄີຍເຮັດຜ່ານມາ, ຮ່ວມກັນຮັບມືກັບສິ່ງທ້າທາຍດ້ານຄວາມປອດໄພຂອງໂລກ, ຕັ້ງໜ້າປະຕິບັດຕາມຄວາມຮັບຜິດຊອບ ແລະ ພັນທະທີ່ສົມກັບຖານະສາກົນຂອງຈີນ, ປະກອບສ່ວນກຳລັງແຮງຢ່າງຕັ້ງໜ້າເພື່ອຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ. " ——ທ່ານສີຈິ້ນຜິງ ປະທານປະເທດຈີນ
ຄຳເຫັນ
0