ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ສິງຫາແມ່ນວັນລະນຶກການສ້າງຕັ້ງກອງທັບປົດປ່ອຍປະຊາຊົນຈີນ. ກອງທັບຈີນພວມປະຕິບັດຕາມທັດສະນະປະຊາຄົມຮ່ວມຊາຕາກຳຂອງມວນມະນຸດ, ຕັ້ງໜ້າປະຕິບັດຕາມພັນທະສາກົນໃນຖານະເປັນກອງທັບປະເທດໃຫຍ່, ຊຸກຍູ້ການຮ່ວມມືສາກົນທາງດ້ານການທະຫານໃນຍຸກໃໝ່ຢ່າງຮອບດ້ານ, ພະຍາຍາມປະກອບສ່ວນເຂົ້າໃນການສ້າງໂລກແຫ່ງສວຍງາມທີ່ມີສັນຕິພາບຖາວອນ ແລະມີຄວາມໝັ້ນຄົງທົ່ວໄປ.
ແຕ່ຕົ້ນປີນີ້ມາ,ພະຍາດໂຄວິດ-19ໄດ້ແຜ່ລະບາດໃນບໍລິເວນທົ່ວໂລກ, ກອງທັບປົດປ່ອຍປະຊາຊົນຈີນ ໄດ້ຕັ້ງໜ້າຮ່ວມມືກັບພາກສ່ວນປ້ອງກັນປະເທດ ກໍຄື ກອງທັບຂອງຫຼາຍປະເທດເພື່ອຕ້ານກັບພະຍາດ, ໄດ້ຈັດສົ່ງໜ່ວຍຊ່ຽວຊານຕ້ານພະຍາດຂອງກອງທັບໄປລາວ ກຳປູເຈຍ ແລະ ປະເທດອື່ນໆ, ສະໜອງການຊ່ວຍເຫຼືອດ້ານວັດຖຸຕ້ານພະຍາດໃຫ້ກອງທັບຫຼາຍປະເທດດ້ວຍຍົນຂອງກອງທັບອາກາດ ແລະຮູບການອື່ນໆ, ທັງໄດ້ຈັດກອງປະຊຸມທາງວີດີໂອເພື່ອແນະນຳບົດຮຽນປ້ອງກັນ ແລະ ຄວບຄຸມພະຍາດໂຄວິດ-19.
ເລີ່ມແຕ່ປີ 1990 ຈີນໄດ້ສົ່ງຜູ້ສັງເກດການທາງການທະຫານໄປປະຕິບັດໜ້າທີ່ຢູ່ອົງການຕິດຕາມການຢຸດຍິງຂອງອົງການສະຫະປະຊາຊາດເປັນຄັ້ງທຳອິດເປັນຕົ້ນມາ, ກອງທັບຈີນໄດ້ເຂົ້າຮ່ວມການເຄື່ອນໄຫວຮັກສາສັນຕິພາບຂອງອົງການສະຫະປະຊາຊາດ 20 ກວ່າໂຄງການ, ໄດ້ສົ່ງເຈົ້າໜ້າທີ່ຮັກສາສັນຕິພາບໄປປະຕິບັດໜ້າທີ່ 4 ໝື່ນກວ່າເທື່ອຄົນ,ເຊິ່ງເປັນການເພື່ອປະຕິບັດຕາມທັດສະນະປະຊາຄົມຮ່ວມຊາຕາກຳຂອງມວນມະນຸດດ້ວຍການກະທຳຕົວຈິງ.
ທ່ານເຢິນໂກຊຽງ ໂຄສົກກະຊວງປ້ອງກັນປະເທດຈີນກ່າວວ່າ, ໃນຕໍ່ໜ້ານີ້, ຈີນຈະສືບຕໍ່ປະກອບສ່ວນໃຫຍ່ຫຼວງກວ່າເກົ່າເພື່ອພາລະກິດການຮັກສາສັນຕິພາບຂອງໂລກ ກໍຄືສະຖຽນລະພາບຂອງພາກພື້ນ.
ຄຳເຫັນ
0