ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບໍລິສັດFitchເຊິ່ງເປັນສະຖາບັນປະເມີນລະດັບຄວາມໜ້າເຊື່ອຖືສາກົນ ໄດ້ປະກາດໃນວັນທີ 31 ກໍລະກົດແລ້ວນີ້ວ່າ: ຈະປັບຫຼຸດການຄາດຄະເນການປະເມີນລະດັບຄວາມໜ້າເຊື່ອຖືທາງພາກລັດຂອງອາເມຣິກາລົງເປັນ “ຕົວເລກລົບ”, ແຕ່ໃນຂະນະດຽວກັນກໍຍັງຈະຮັກສາລະດັບຄວາມໜ້າເຊື່ອຖືທາງພາກລັດໃນໄລຍະຍາວຂອງອາເມຣິກາເປັນລະດັບ “AAA”ຄືເກົ່າ.
ບໍລິສັດFitchໄດ້ເປີດເຜີຍບົດລາຍງານສະບັບໜຶ່ງໃນວັນທີ 31 ກໍລະກົດແລ້ວນີ້ໂດຍລະບຸວ່າ: ການຂາດດຸນທາງງົບປະມານແລະໜິ້ນສິນຂອງລັດຖະບານອາເມຣິກາໄດ້ເພີ່ມຂຶ້ນຢ່າງວ່ອງໄວທັງບໍ່ມີແຜນການປັບປຸງການເງິນທີ່ໜ້າເຊື່ອຖືໄດ້. ຫຼັງຈາກການແຜ່ລະບາດຂອງພະຍາດໂຄວິດ-19 ສິ້ນສຸດລົງແລ້ວ, ຖ້າວ່າລັດຖະບານອາເມຣິກາຍັງບໍ່ສາມາດປັບປຸງນະໂຍບາຍການເງິນຢ່າງມີປະສິດທິຜົນເພື່ອຮັກສາລະດັບໜີ້ສິນໃຫ້ໝັ້ນທ່ຽງ, ມັນກໍອາດຈະພາໃຫ້ເກີດມີຄວາມສ່ຽງຫຼາຍກວ່າເກົ່າ. ບໍລິສັດFitchຢືນຢັນວ່າ:ກ່ອນທີ່ສະພາບພະຍາດໂຄວິດ-19 ຈະສົ່ງຜົນກະທົບໃຫ້ເສດຖະກິດອາເມຣິກາແບບຢຸດສະງັກຊົ່ວຄາວນັ້ນ, ການຂາດດຸນທາງງົບປະມານແລະໜີ້ສິນສາທາລະນະທີ່ຢູ່ໃນລະດັບສູງຢ່າງຍາວນານນັ້ນກໍໄດ້ເລີ່ມເຮັດໃຫ້ອາເມຣິກາເສຍຄວາມໜ້າເຊື່ອຖືທາງພາກລັດແລ້ວ.
ບົດລາຍງານສະບັບນີ້ຄາດຄະເນວ່າ: ເມື່ອຮອດປີ 2021, ໜີ້ສິນຂອງລັດຖະບານອາເມຣິກາອາດຈະກວມເອົາລວມຍອດຜະລິດຕະພັນພາຍໃນຫຼື GDP ຫຼາຍກວ່າ130%.
ນັກວິເຄາະຢືນຢັນວ່າ: ການຄາດຄະເນຂອງອົງການປະເມີນລະດັບຄວາມໜ້າເຊື່ອຖືອາດຈະສົ່ງຜົນສະທ້ອນຕໍ່ການຕັດສິນຕໍ່ການປະເມີນຜົນຂອງບໍລິສັດໃນໄລຍະຕໍ່ໄປ, ແຕ່ມັນບໍ່ໄດ້ໝາຍຄວາມວ່າ, ອາເມຣິກາຈະຜະເຊີນກັບຄວາມສ່ຽງທີ່ຈະຖືກປັບລະດັບຄວາມໜ້າເຊື່ອຖືໃຫ້ຕ່ຳລົງພາຍໃນໄລຍະສັ້ນ.
ຄຳເຫັນ
0