ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພາຍໃຕ້ສະພາບການພະຍາດໂຄວິດ-19 ແຜ່ລະບາດໃນທົ່ວໂລກ, ເສດຖະກິດຈີນໄດ້ຟື້ນຟູຢ່າງໝັ້ນທ່ຽງ ເຊິ່ງໄດ້ເພີ່ມກຳລັງຊຸກດັນໃຫ້ຟື້ນຟູເສດຖະກິດໂລກ. ຫວ່າງມໍ່ໆນີ້, ທ່ານວິສິດ ລິ້ມເລີຊາ ຮອງປະທານສະມາຄົມການຂົນສົ່ງທາງເຮືອໄທກ່າວວ່າ: ເນື່ອງຈາກໄດ້ຮັບຜົນປະໂຫຍດຈາກການຟື້ນຟູຄືນໃໝ່ຢ່າງວ່ອງໄວຂອງເສດຖະກິດຈີນ, ເຮັດໃຫ້ການຄ້າໄທ-ຈີນສືບຕໍ່ຮັກສາທ່ວງທ່າເພີ່ມຂຶ້ນໃນ 6 ເດືອນຕົ້ນປີນີ້.
ທ່ານກ່າວຕື່ມວ່າ: ການແຜ່ລະບາດຂອງພະຍາດໂຄວິດ-19 ໃນທົ່ວໂລກເຮັດໃຫ້ການຜະລິດຂອງຫຼາຍປະເທດໄດ້ຢຸດສະງັກ, ຈີນແມ່ນປະເທດທີ່ສາມາດຟື້ນຟູຄືນໃໝ່ຈາກສະພາບພະຍາດໄດ້ໄວທີ່ສຸດ, ເມື່ອເບິ່ງຈາກດັດຊະນີຂອງ PMI ຫຼືຜູ້ຈັດການຝ່າຍຊື້ຂອງບັນດາປະເທດໃນໂລກ, ການຟື້ນຟູຂອງເສດຖະກິດຈີນໄວກວ່າປະເທດອື່ນໆຢ່າງຈະແຈ້ງ, ຈີນມີຜະລິດຕະພັນຢ່າງພຽງພໍສາມາດສົ່ງອອກເພື່ອຕອບສະໜອງກັບການຂາດເຂີນສິນຄ້າຂອງປະເທດອື່ນໆ, ເປັນການຄ້ຳຊູໃຫ້ຕ່ອງໂສ້ອຸດສາຫະກຳ ແລະຕ່ອງໂສ້ການສະໜອງຂອງທົ່ວໂລກສາມາດປະຕິບັດງານຢ່າງໝັ້ນທ່ຽງ.
ທ່ານເຫັນວ່າ: ການຜະລິດຂອງປະເທດໄທໄດ້ຮັບຜົນກະທົບຈາກພະຍາດໂຄວິດ-19 ບໍ່ຫຼາຍປານໃດ, ແຕ່ການສົ່ງອອກໄດ້ຮັບຜົນກະທົບຫຼາຍເນື່ອງຈາກມາດຕະການຈຳກັດຂອງປະເທດອື່ນໆ. ແຕ່ເນື່ອງຈາກຈີນໄດ້ມີວິໄສທັດໃນການວາງແຜນນຳເຂົ້າຜະລິດຕະພັນກະສິກຳແບບລ່ວງໜ້າ, ເມື່ອເກີດການແຜ່ລະບາດພະຍາດໂຄວິດ-19 ຢ່າງກະທັນຫັນ, ການຄ້າລະຫວ່າງສອງຝ່າຍຈຶ່ງບໍ່ໄດ້ຮັບຜົນກະທົບຫຼາຍປານໃດ.
ຄຳເຫັນ
0