ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໄລຍະມໍ່ໆມານີ້ ສະພາບພະຍາດໂຄວິດ-19 ຢູ່ຮົງກົງມີຄວາມຮ້າຍແຮງຂຶ້ນ. ນັບມາຮອດເວລາ 0 ໂມງຂອງວັນທີ 2 ສິງຫານີ້, ກໍລະນີຕິດເຊື້ອພະຍາດເພີ່ມໃໝ່ຢູ່ຮົງກົງມີເຖິງ 115 ຄົນ, ເປັນຕົວເລກທີ່ເກີນ 100 ຄົນຕໍ່ມື້ເປັນ 12 ມື້ລຽນຕິດ. ໂດຍຕອບສະໜອງກັບຄຳຮ້ອງຂໍຂອງອົງການປົກຄອງເຂດບໍລິຫານພິເສດຮົງກົງ, ໜ່ວຍກວດເຊື້ອຫາພະຍາດຂອງແຜ່ນດິນໃຫຍ່ຈີນທີ່ປະກອບດ້ວຍຄະນະກຳມະການສາທາລະນະສຸກແລະສຸກຂະພາບແຫ່ງຊາດຈີນໜ່ວຍທຳອິດໄດ້ເດີນທາງໄປຮອດຮົງກົງໃນວັນທີ 2 ສິງຫານີ້ ເຊິ່ງວົງການຕ່າງໆຂອງສັງຄົມຮົງກົງເຫັນວ່າ, ພະນັກງານແພດໝໍຂອງແຜ່ນດິນໃຫຍ່ມີບົດຮຽນໃນການຕ້ານກັບພະຍາດຢ່າງອຸດົມສົມບູນ, ຈະສາມາດຊ່ວຍຮົງກົງປ້ອງກັນແລະຄວບຄຸມ ພະຍາດໄດ້ຢ່າງບັງເກີດຜົນ.
ທ່ານອູຈື້ປິ່ນ ທີຶ່ປຶກສາຄະນະອຳນວຍການໂຮງໝໍເຢີນຈີຮົງກົງເຫັນວ່າ: ອາດເວົ້າໄດ້ວ່າ ນັບແຕ່ປີນີ້ເປັນຕົ້ນມາ ປະເທດຊາດພວກເຮົາໄດ້ສະສົມບົດຮຽນຢ່າງອຸດົມສົມບຸນໃນດ້ານການຕ້ານແລະປິ່ນປົວພະຍາດ. ຄວາມສາມາດກວດພະຍາດຂອງຮົງກົງໃນປະຈຸບັນພຽງແຕ່ກວດໄດ້ 8 ພັນ -9 ພັນຄົນຕໍ່ມື້ເທົ່ານັ້ນ ແຕ່ບໍ່ສາມາດຕອບສະໜອງກັບຄວາມຕ້ອງການຂອງຮົງກົງໃນປະຈຸບັນໄດ້, ສະນັ້ນ, ໜ່ວຍປິ່ນປົວຂອງແຜ່ນດິນໃຫຍ່ຈີນຈິ່ງເດີນທາງໄປຊ່ວຍເຫຼືອຮົງກົງ ອາດເວົ້າໄດ້ວ່າເປັນການຊ່ວຍເຫຼືອຂະໜາດໃຫຍ່ຕໍ່ລະບົບປິ່ນປົວພະຍາດຢູ່ຮົງກົງ.
ທ່ານກວນຊ່ຽວຈົ່ງ ປະທານບໍລິສັດເຕັກນິກຊີວະພາບໄຄບຈຳກັດກ່າວວ່າ, ປັດຈຸບັນ, ຄວາມສາມາດກວດນິວຄະເລອິກຂອງແຜ່ນດິນໃຫຍ່ຈີນແມ່ນເປັນອັນດັບໜຶ່ງໃນໂລກກໍ່ວ່າໄດ້, ຍ້ອນມີເງື່ອນໄຂດ້ານເຕັກນິກແລະພື້ນຖານດ້ານວັດຖຸ ຈິ່ງເຮັດໃຫ້ສະພາບຕ້ານກັບພະຍາດຂອງແຜ່ນດິນໃຫຍ່ຈີນໄດ້ຮັບໝາກຜົນທີ່ດີ. ດັ່ງນັ້ນ ເມື່ອຮົງກົງໄດ້ຮັບການສະໜັບສະໜູນດ້ານການກວດຫາເຊື້ອພະຍາດຈາກທາງສູນກາງແລ້ວ, ບວກກັບແນວຄິດແລະວິທີປິ່ນປົວທີ່ກ້າວໜ້າ, ກໍ່ຈະເຮັດໃຫ້ແພດໝໍຮົງກົງ ສາມາດຖອດຖອນບົດຮຽນອັນໃໝ່ໄດ້.
ຄຳເຫັນ
0