ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ສິງຫານີ້, ສະພາການຄ້າອາເມຣິກາ-ຈີນໄດ້ປະກາດບົດລາຍງານ “ ຜົນການສຳຫຼວດສະພາບແວດລ້ອມດ້ານການຄ້າຈີນ” ປີ 2020. ບົດລາຍງານໄດ້ລະບຸວ່າ, ເຖິງວ່າການພົວພັນອາເມລິກາ-ຈີນມີອຸປະສັກ, ແຕ່ວິສາຫະກິດອາເມຣິກາທີ່ເຄື່ອນໄຫວຢູ່ຈີນບໍ່ໄດ້ໜີອອກຈາກຕະຫຼາດຈີນ, ພວກເຂົາເຈົ້າຍັງເຫັນໄປໃນແງ່ດີຕໍ່ການຄາດຄະເນດ້ານການຄ້າພາຍໃນຈີນໃນ 5 ປີຂ້າງໜ້າ. ພາຍໃຕ້ຄວາມກົດດັນຈາກສະພາບພະຍາດແລະບັນຫາການເມືອງ, ແຕ່ການພົວພັນດ້ານເສດຖະກິດການຄ້າອາເມລິກາ-ຈີນຍັງມີທ່ວງທ່າທີ່ດີ.
ບົດລາຍງານດັ່ງກ່າວຍັງໄດ້ລະບຸຕື່ມວ່າ, ວິສາຫະກິດ 86% ທີ່ໄດ້ໃຫ້ສຳພາດເຫັນວ່າ, ການພົວພັນດ້ານການຄ້າສອງຝ່າຍທີ່ເຄັ່ງຕຶງໄດ້ກະທົບຕໍ່ການດຳເນີນທຸລະກິດຢູ່ຈີນ. ໂດຍສະເພາະແມ່ນນັບແຕ່ອາເມຣິກາໄດ້ອອກນະໂຍບາຍຈຳກັດວິສາຫະກິດອາເມລິກາໃນການຈຳໜ່າຍຜະລິດຕະພັນແລະການບໍລິການທີ່ກ່ຽວຂ້ອງໃຫ້ບາງວິສາຫະກິດຈີນໃນຫວ່າງມໍ່ໆນີ້, ໄດ້ມີຜົນກະທົບຕໍ່ວິສາຫະກິດອາເມຣິກາໃນການເປີດກວ້າງການແລກປ່ຽນດ້ານການຄ້າກັບວິສາຫະກິດຈີນ.
ຄຳເຫັນ
0