ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ສິງຫານີ້ ກົມສິດຊັບສິນທາງປັນຍາແຫ່ງຊາດຈີນໄດ້ມອບລິຂະສິດໃຫ້ແກ່ວັກແຊງຕ້ານພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ຫຼື ໂຄວິດ-19 ທີ່ຮ້ອງຂໍໂດຍທິມງານຄົ້ນຄວ້າຂອງທ່ານນາງເສີນເວີຍ ບັນດິດສະພາບັນດິດຄົ້ນຄວ້າແພດສາດການທະຫານຂອງສະຖາບັນວິທະຍາສາດການທະຫານແລະບໍລິສັດຄົ້ນຄວ້າຜະລິດຢາຊີວະພາບກາງຊີ, ເຊິ່ງໄດ້ກາຍເປັນລິຂະສິດອັນທຳອິດສຳລັບໃຫ້ວັກແຂງຕ້ານພະຍາດໂຄວິດ-19.
ຕາມແນະນຳໃຫ້ຮູ້ວ່າ, ທ່ານນາງເສີນເວີຍໄດ້ນຳພາໜ່ວຍງານແພດສາດທາງການທະຫານເດີນທາງໄປນະຄອນອູຮັ້ນໃນວັນທີ 26 ມັງກອນນີ້ ເພື່ອດຳເນີນການຄົ້ນຄວ້າດ້ານຕ່າງໆກ່ຽວກັບເຊື້ອພະຍາດໂຄວິດ-19. ວັນທີ 16 ມີນານີ້ ທິມງານຂອງທ່ານນາງເສີນເວີຍໄດ້ຄົ້ນຄວ້າຜະລິດອອກວັກແຊງຕ້ານພະຍາດໂຄວິດ-19 ແລະໄດ້ຮັບອະນຸຍາດໃນການທົດລອງນຳໃຊ້ໃນຕົວຈິງ, ມີຜູ້ອາສາສະໝັກ 108 ຄົນໄດ້ເຂົ້າຮ່ວມການທົດລອງສັກຢາວັກແຂງດັ່ງກ່າວ, ເຊິ່ງມາຮອດວັນທີ 10 ເມສາ ໄດ້ສຳເລັດການສັງເກດທາງແພດສາດແລ້ວ, ເຫັນວ່າ, ໝົດທຸກຄົນມີສຸຂະພາບເປັນຢ່າງດີ.
ວັນທີ 12 ເມສານີ້ ວັກແຊງດັ່ງກ່າວໄດ້ຖືກນຳໃຊ້ໃນການທົດລອງປິ່ນປົວໄລຍະທີ 2, ມີຜູ້ອາສາສະໝັກຈຳນວນ 508 ຄົນເຂົ້າຮ່ວມ, ກາຍເປັນວັກແຊງພຽງຊະນິດດຽວໃນໂລກທີ່ໄດ້ເຂົ້າສູ່ໄລຍະການທົດລອງປິ່ນປົວຕົວຈິງໄລຍະທີ 2.
ຄຳເຫັນ
0