ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ສິງຫານີ້, ຄະນະທູດຈີນປະຈຳສະຫະພາບອາຟຣິກາແລະຄະນະກຳມະການເສດຖະກິດອາຟຣິກາຂອງສະຫະປະຊາຊາດໄດ້ຈັດກອງປະຊຸມທາງໄກຜ່ານວີດີໂອ, ເພື່ອແລກປ່ຽນບົດຮຽນໃນການຕ້ານກັບພະຍາດ. ເຈົ້າໜ້າທີ່ຜູ້ເຂົ້າຮ່ວມກອງປະຊຸມໄດ້ເຫັນເປັນເອກະພາບກັນວ່າ, ການຮ່ວມມືແລະຄວາມສາມັກຄີລະຫວ່າງຈີນແລະອາຟຣິກາແມ່ນການຮັບປະກັນອັນສຳຄັນທີ່ອາຟຣິກາຈະເອົາຊະນະສະພາບພະຍາດໂຄວີດ 19.
ທ່ານນາງເວຣາ ຊົງເວ ເລຂາບໍລິຫານງານຂອງຄະນະກຳມນາທິການເສດຖະກິດອາຟຣິກາຂອງສະຫະປະຊາຊາດໄດ້ສະແດງຄວາມຍ້ອງຍໍຕໍ່ຈີນທີ່ໃຫ້ການສະໜັບສະໜູນເພື່ອຕ້ານກັບສະພາບພະຍາດຢູ່ອາຟຣິກາ. ນາງຍັງໄດ້ກ່າວວ່າ, ການພົວພັນຄູ່ຮ່ວມມືລະຫວ່າງຈີນ -ອາຟຣິກາເຮັດໃຫ້ອາຟຣິກາສາມາດຮັບມືກັບສະພາບພະຍາດໂຄວີດ 19 ໄດ້ດີກວ່າເກົ່າ.
ທ່ານໂທມັສ ກວາເຕ ຮອງປະທານຄະນະກຳມະການສະຫະພາບອາຟຣິກາກ່າວວ່າ, ຄວາມສາມັກຄີລະຫວ່າງຈີນແລະອາຟຣິກາມີຄວາມໝາຍສຳຄັນໃນການຕ້ານກັບສະພາບພະຍາດໂຄວີດ 19, ການສະໜັບສະໜູນຂອງລັດຖະບານແລະວິສາຫະກິດຈີນໄດ້ຊ່ວຍເຫຼືອອາຟຣິກາຕ້ານກັບສະພາບພະຍາດ. ທ່ານກ່າວຕື່ມວ່າ, ການທີ່ຈີນຊ່ວຍເຫຼືອສ້າງສຳນັກງານໃຫຍ່ຂອງສູນຄວບຄຸມພະຍາດອາຟຣິກາໄດ້ສະແດງໃຫ້ເຫັນອີກເທື່ອວ່າ, ຈີນກັບອາຟຣິກາໄດ້ສ້າງສາຍພົວພັນຄູ່ຮ່ວມແລະມິດຕະພາບອັນໝັ້ນແກ່ນໃນຂົງເຂດສາທາລະນະສຸກ.
ຄຳເຫັນ
0