ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ສິງຫານີ້, ຢູ່ສະກັອດແລນຂອງອັງກິດໄດ້ເກີດອຸບັດເຫດລົດໄຟໂດຍສານຕົກລາງ, ເປັນເຫດເຮັດໃຫ້ຢ່າງໜ້ອຍມີຜູ້ເສຍຊີວິດ 3 ຄົນ ແລະ ຫຼາຍຄົນໄດ້ຮັບບາດເຈັບ.
ເຈົ້າໜ້າທີ່ຕຳຫຼວດທາງລົດໄຟອັງກິດຢືນຢັນວ່າ, 3 ຄົນທີ່ເສຍຊີວິດລວມທັງຜູ້ຂັບລົດໄຟ, ຜູ້ບາດເຈັບ 6 ຄົນລ້ວນແຕ່ໄດ້ຖືກສົ່ງໂຕໄປປິ່ນປົວຢູ່ໂຮງໝໍ.
ອຸບັດເຫດດັ່ງກ່າວເກີດຂຶ້ນຢູ່ໃກ້ກັບຕາແສງສະໂຕນແຮບເວນ ລັດອາເບີດີນ ທາງພາກຕາເວັນອອກສຽງເໜືອສະກັອດແລນ. ທ່ານນິໂຄລາ ສະເຕີເຈິນ ລັດຖະມົນຕີຜູ້ທີໜຶ່ງຂອງອົງການປົກຄອງສະກັອດແລນກ່າວວ່າ: ນີ້ເປັນ “ອຸບັດເຫດຄັ້ງຮ້າຍແຮງທີ່ສຸດ” ຄັ້ງໜຶ່ງ, ເຮັດໃຫ້ຫຼາຍຄົນ “ເສຍຊີວິດແລະບາດເຈັບສາຫັດ”. ທ່ານກ່າວຕື່ມວ່າ: ອຸບັດເຫດເກີດຂຶ້ນຢູ່ເຂດທີ່ “ເຂົ້າໄປຊ່ວຍເຫຼືອຍາກ”, ແຕ່ເຈົ້າໜ້າທີ່ໄດ້ໃຫ້ຄຳໝັ້ນສັນຍາວ່າ: ຈະ “ກອບກູ້ຊີວິດ ແລະ ຊ່ວຍເຫຼືອຢ່າງສຸດຂີດ”.
ຄຳເຫັນ
0