ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ສິງຫານີ້, ໃນງານອະພິປາຍລະດັບສູງກ່ຽວກັບການແຜ່ລະບາດຂອງພະຍາດຢ່າງໃຫຍ່ ແລະ ສິ່ງທ້າທ້າຍທີ່ມີຕໍ່ສັນຕິພາບຂອງສະພາຄວາມໝັ້ນຄົງ, ທ່ານຈ່ຽງຈຸ່ນ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດໄດ້
ກ່າວຄຳປາໄສໂດຍກ່າວເນັ້ນວ່າ: ຄວາມສາມັກຄີ ແລະ ການຮ່ວມມືເປັນອາວຸດອັນເຂັ້ມແຂງທີ່ສຸດຂອງປະຊາຄົມໂລກເພື່ອເອົາຊະນະພະຍາດ COVID-19. ປະເທດທີ່ໄດ້ຮັບຜົນກະທົບຈາກການປະທະກັນມີຄວາມອ່ອນແອໃນການຕໍ່ສູ້ກັບພະຍາດຂອງທົ່ວໂລກ. ສະນັ້ນ, ການຊ່ວຍເຫຼືອປະເທດເຫຼົ່ານີ້ປ້ອງກັນ ແລະ ຄວບຄຸມພະຍາດ COVID-19 ແມ່ນມີຄວາມສຳຄັນທີ່ສຸດເພື່ອຮັບປະກັນໄຊຊະນະ ແລະ ໝາກຜົນຂອງສັນຕິພາບ.
ທ່ານຈ່ຽງຈຸ່ນຊີ້ໃຫ້ເຫັນວ່າ, ນັບແຕ່ພະຍາດ COVID-19 ແຜ່ລະບາດຢູ່ໃນຂອບເຂດທົ່ວໂລກເປັນຕົ້ນມາ, ຈີນໄດ້ເອົາໃຈໃສ່ດຳເນີນການຮ່ວມມືຕ້ານກັບພະຍາດຂອງໂລກ, ສຸມຄວາມພະຍາຍາມຢ່າງສຸດຂີດເພື່ອໃຫ້ການສະໜັບສະໜູນ ແລະ ການຊ່ວຍເຫຼືອແກ່ປະເທດຕ່າງໆທີ່ມີຄວາມຕ້ອງການ. ຫວ່າງກ່ອນນີ້ບໍ່ດົນ, ທ່ານປະທານສີຈີ້ນຜິງໄດ້ເປັນປະທານໄຂກອງປະຊຸມສຸດຍອດຈີນ-ອາຟຣິກາເພື່ອສາມັກຄີກັນຕ້ານກັບພະຍາດ COVID-19, ກອງປະຊຸມດັງກ່າວໄດ້ສະແດງໃຫ້ເຫັນເຖິງຄວາມຕັດສິນຂອງຈີນ ແລະ ອາຟຣິກາທີ່ສາມັກຄີກັນຕໍ່ສູ້ກັບພະຍາດ COVID-19. ທ່ານຈ່ຽງຈຸ່ນຍັງຮຽກຮ້ອງໃຫ້ຍຶດໝັ້ນໃນລັດທິຫຼາຍຝ່າຍເພື່ອຕ້ານກັບພະຍາດ COVID-19 ທັງຮັບມືກັບສິ່ງທ້າທາຍໂດຍຜ່ານການຮ່ວມມືຫຼາຍຝ່າຍ ແລະ ສະແຫວງຫາການພັດທະນາຮ່ວມກັນ.
ຄຳເຫັນ
0