ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ສິງຫານີ້, ທ່ານເຕໂດຣສ ເກເບຣເຢຊຸສ ຜູ້ອຳນວຍການໃຫຍ່ອົງການອະນາໄມໂລກຫຼື WHO ກ່າວວ່າ, ເຖິງວ່າຊາວໜຸ່ມສ່ວນຫຼາຍບໍ່ແມ່ນຝູງຊົນທີ່ມີຄວາມສ່ຽງສູງທີ່ມີອາການໜັກໃນການຕິດແປດເຊື້ອໄວຣັດໂຄວິດ-19 ກໍຕາມ, ແຕ່ພວກເຂົາເຈົ້າມີບົດບາດອັນສຳຄັນໃນການສະກັດກັ້ນການແຜ່ລະບາດຂອງພະຍາດ, ທັງມີຄວາມຮັບຜິດຊອບຮ່ວມກັນ.
ມື້ດຽວກັນ, ທ່ານເຕໂດຣສໄດ້ກ່າວຄຳປາໄສໃນເວທີປຶກສາຫາລືທາງອິນເຕີເນັດໃນໂອກາດ “ວັນຊາວໜຸ່ມສາກົນ” ທີ່ຈັດໂດຍອົງການອະນາໄມໂລກແລະອຸຍເນສໂກ, ເຊິ່ງທ່ານໄດ້ຕີລາຄາສູງຕໍ່ການເຄື່ອນໄຫວຮ່ວມກັນຂອງຊາວໜຸ່ມ, ອົງການຈັດຕັ້ງຊາວໜຸ່ມ, ແລະເຄືອຂ່າຍຊາວໜຸ່ມໂລກໃນໄລຍະທີ່ສະພາບພະຍາດໂຄວິດ-19 ແຜ່ລະບາດ.
ທ່ານເຕໂດຣສໄດ້ຮຽກຮ້ອງໃຫ້ຊາວໜຸ່ມເຂົ້າໃຈສະພາບພະຍາດຢ່າງເຕັມທີ່, ຕັດສິນໃຈເລືອກໃນສິ່ງທີ່ມີຜົນດີຕໍ່ສຸຂະພາບ, ເພື່ອຊີວິດການເປັນຢູ່ທີ່ຍືນຍາວແລະມີສຸຂະພາບແຂງແຮງ.
ວັນທີ 12 ສິງຫາແມ່ນ “ວັນຊາວໜຸ່ມສາກົນ”, ປີນີ້, ພາຍໃຕ້ສະພາບທີ່ພະຍາດໂຄວິດ-19 ແຜ່ລະບາດໃນທົ່ວໂລກ, ຫົວຂໍ້ຫຼັກແມ່ນ “ຊາວໜຸ່ມຄວນເຂົ້າຮ່ວມການເຄື່ອນໄຫວທົ່ວໂລກ”.
ຄຳເຫັນ
0