ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດວັນຄູແຫ່ງຊາດຂອງຈີນໄດ້ໝູນວຽນມາເຖິງ, ທ່ານສີຈິ້ນຜິງໄດ້ສົ່ງສານສະແດງຄວາມຊົມເຊີຍ ແລະ ຄວາມຢື້ຢາມຖາມຂ່າວຢ່າງສຸດໃຈຕໍ່ຄູອາຈານອັນໄພສານ ກໍຄືພະນັກງານການສຶກສາຂອງທົ່ວປະເທດຈີນ, ທັງເນັ້ນວ່າ ຢ່າລືມອຸດົມການແຕ່ຫົວທີທີ່ບຳລຸງສ້າງຄົນດ້ວຍຄຸນສົມບັດ, ຈື່ຈຳພາລະກຳໃນການບຳລຸງສ້າງຜູ້ມີຄວາມຮູ້ຄວາມສາມາດໃຫ້ແກ່ພັກ ແລະ ປະເທດຢ່າງໜັກແໜ້ນ, ປະກອບສ່ວນໃໝ່ໃຫຍ່ຫຼວງກວ່າເກົ່າຢ່າງບໍ່ຢຸດຢັ້ງ.
ໃນຊຸມປີມໍ່ໆມານີ້, ທຸກເທື່ອເມື່ອຮອດວັນຄູແຫ່ງຊາດ, ທ່ານສີຈິ້ນຜິງຈະໄປຢ້ຽມຢາມຄູອາຈານໃນໂຮງຮຽນ ຫຼື ສົ່ງສານສະແດງຄວາມຊົມເຊີຍເຖິງຄູອາຈານ. ໃນໄລຍະກ່ອນວັນຄູແຫ່ງຊາດຂອງຈີນໃນປີ 2016, ທ່ານສີຈິ້ນຜິງໄດ້ໄປຢ້ຽມຢາມໂຮງຮຽນ “1 ສິງຫາ” ປັກກິ່ງ ສະຖານທີ່ທີ່ທ່ານເຄີຍຮຽນ,ເພື່ອໄປຢ້ຽມຢາມຄູ ແລະນັກຮຽນ, ທັງໂອ້ລົມສົນທະນາກັບຜູ້ຕາງໜ້າຄູ ແລະ ນັກຮຽນ. ໃນການສົນທະນາ, ທ່ານສີຈິ້ນຜິງເຄີຍກ່າວວ່າ, ຄູອາຈານແມ່ນອາຊີບໜຶ່ງທີ່ເກົ່າແກ່ທີ່ສຸດໃນປະຫວັດສາດຂອງມວນມະນຸດ, ທັງແມ່ນອາຊີບໜຶ່ງທີ່ຍິ່ງໃຫຍ່ ແລະ ມີກຽດທີ່ສຸດ.
ທ່ານສີຈິ້ນຜິງຍັງໄດ້ເອີ່ຍເຖິງຄູອາຈານຂອງຕົນ, ທ່ານກ່າວວ່າ: “ຄູອາຈານຫຼາຍທ່ານເຄີຍສອນຂ້າພະເຈົ້າ, ຈົນຮອດປະຈຸບັນຂ້າພະເຈົ້າຍັງສາມາດຈື່ຈຳໃບໜ້າຂອງພວກເພິ່ນໄດ້ຢູ່, ພວກເພິ່ນໄດ້ສອນຄວາມຮູ້, ຫຼັກການແຫ່ງຄວາມເປັນຄົນ, ເຮັດໃຫ້ຂ້າພະເຈົ້າໄດ້ຮັບຜົນປະໂຫຍດຫຼາຍ.”
ໃນງານສົນທະນາ, ຜູ້ອຳນວຍການໂຮງຮຽນ “1 ສິງຫາ” ເວົ້າວ່າ: ຍິນດີຕ້ອນຮັບທ່ານຜູ້ນຳກັບຄືນສູ່ໂຮງຮຽນ. ທ່ານສີຈິ້ນຜິງເວົ້າວ່າ: “ເມື່ອມາຮອດສະຖານທີ່ແຫ່ງນີ້ກໍບໍ່ມີຄຳວ່າ ຜູ້ນຳອີກແລ້ວ, ມີແຕ່ນັກຮຽນ.”
ກ່ອນທີ່ຈະຈັດງານສົນທະນາ, ທ່ານສີຈິ້ນຜິງຍັງໄດ້ໄປຢ້ຽມຢາມຄູຂອງຕົນໃນອະດີດ. ທ່ານສີຈິ້ນຜິງເວົ້າວ່າ, ເມື່ອເຫັນຄູທຸກທ່ານຍັງມີສຸຂະພາບແຂງແຮງດີ, ຂ້າພະເຈົ້າຮູ້ສຶກດີໃຈທີ່ສຸດ. ໃນເມື່ອກ່ອນ ຄູໄດ້ຕັ້ງມາດຕະຖານສູງຕໍ່ພວກຂ້າພະເຈົ້າ, ເມື່ອຫວນຄືນໃນອະດີດແລ້ວ, ຮູ້ສຶກວ່າໄດ້ຮັບຜົນປະໂຫຍດຈົນຮອດທຸກມື້ນີ້.
ຄູຜູ້ໜຶ່ງເວົ້າວ່າ: “ທ່ານໄດ້ນຳເອົາຄວາມສຸກມາໃຫ້ປະຊາຊົນ.”
ທ່ານສີຈິ້ນຜິງຕອບວ່າ: “ແມ່ນຄູອາຈານໄດ້ບຳລຸງສ້າງພວກຂ້າພະເຈົ້າ.”
ຄຳເຫັນ
0