ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ກັນຍານີ້, ອຸໂມງມິດຕະພາບຂອງທາງລົດໄຟລາວ-ຈີນທີ່ກຸ່ມບໍລິສັດວິສະວະກຳ 2 ທາງລົດໄຟຈີນຈຳກັດໄດ້ສຳເລັດການເຈາະອຸໂມງໃຫ້ຊອດ, ອຸໂມງດັ່ງກ່າວຕັ້ງຢູ່ຊາຍແດນລະຫວ່າງສອງປະເທດຈີນ-ລາວ, ແມ່ນອຸໂມງຂ້າມຊາດທີ່ເຊື່ອມຕໍ່ສອງປະເທດ. ການສຳເລັດເຈາະອຸໂມງມິດຕະພາບ, ເປັນຂີດໝາຍສະແດງໃຫ້ເຫັນວ່າການສ້າງທາງລົດໄຟຈີນ-ລາວໄດ້ຍ່າງອີກບາດກ້າວໜຶ່ງທີ່ໝັ້ນຄົງ.
ອຸໂມງມິດຕະພາບແມ່ນອຸໂມງຂ້າມຊາດພຽງແຫ່ງດຽວຂອງທາງລົດໄຟຈີນ-ລາວ, ຍາວທັງໝົດ9,59 ກິໂລແມັດ, ໃນນັ້ນມີ 7,17 ກິໂລແມັດຢູ່ດິນແດນຈີນ, ແລະອີກ 2,42 ກິໂລແມັດຢູ່ດິນແດນລາວ, ເພື່ອສະແດງໃຫ້ເຫັນເຖິງມິດຕະພາບອັນເປັນມູນເຊື້ອລະຫວ່າງທັງສອງປະເທດຈີນ-ລາວ, ອຸໂມງດັ່ງກ່າວຈຶ່ງໄດ້ຕັ້ງຊື່ວ່າອຸໂມງມິດຕະພາບ.
ທາງລົດໄຟຈີນ-ລາວເລີ່ມສ້າງຂຶ້ນໃນເດືອນທັນວາປີ 2016, ຄາດວ່າຈະສ້າງສຳເລັດໃນທ້າຍປີ 2021. ພາຍຫຼັງທາງລົດໄຟດັ່ງກ່າວສ້າງສຳເລັດແລ້ວ, ເມື່ອຂີ່ລົດໄຟຈາກນະຄອນຄຸນມິງຂອງຈີນໃນຕອນຄ່ຳກໍສາມາດໄປເຖິງນະຄອນຫຼວງວຽງຈັນຂອງລາວໃນຕອນເຊົ້າມື້ທີ 2.
ຄຳເຫັນ
0