ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ກັນຍານີ້, ສານລົ້ມລະລາຍສູນກາງໄທໄດ້ອະນຸມັດເຫັນດີຕາມຄຳຮ້ອງຂໍຂອງບໍລິສັດການບິນໄທທີ່ຈະດຳເນີນການຟື້ນຟູບໍລິສັດຄືນໃໝ່. ໂດຍທີ່ບໍລິສັດດັ່ງກ່າວຈະຍື່ນແຜນການການຟື້ນຟູບໍລິສັດຄືນໃໝ່ຕໍ່ສານໃນໄຕມາດທີ 4 ຂອງປີນີ້ເພື່ອດຳເນີນການຟື້ນຟູບໍລິສັດຄືນໃໝ່.
ຫຼັງຈາກໄດ້ເປີດເຜີຍຄຳຕັດສິນໃນມື້ດັ່ງກ່າວແລ້ວ, ບໍລິສັດດັ່ງກ່າວໄດ້ອອກຖະແຫຼງການວ່າ: ຈະຍື່ນແຜນການຟື້ນຟູບໍລິສັດຄືນໃໝ່ຕໍ່ສານໃນໄຕມາດທີ 4 ຂອງປີນີ້ ພ້ອມທັງຈະຈັດກອງປະຊຸມຜູ້ຖືຫຸ້ນໃນຕົ້ນປີ 2021 ເພື່ອປຶກສາຫາລືແຜນການດັ່ງກ່າວ.
ເນື່ອງຈາກສະພາບການດຳເນີນງານຂາດທຶນ, ໃນຊຸມປີຜ່ານມາ, ບໍລິສັດການບິນໄທໄດ້ປະສົບກັບການຂາດທຶນຫຼາຍປີຕິດຕໍ່ກັນ. ປີ 2017, ບໍລິສັດການບິນໄທໄດ້ຂາດທຶນຫຼາຍກວ່າ 2,1 ຕື້ບາດ, ປີ 2018 ເພີ່ມຂຶ້ນເປັນ 11,6 ຕື້ບາດແລະ ປີ 2019 ເພີ່ມຂຶ້ນເປັນ 12 ຕື້ບາດ. ປີນີ້, ຂະແໜງການການບິນແລະການທ່ອງທ່ຽວໄດ້ຮັບຜົນກະທົບຢ່າງໜັກໜ່ວງຍ້ອນສະພາບການແຜ່ລະບາດຂອງພະຍາດໂຄວິດ-19 ໃນຂອບເຂດທົ່ວໂລກ, ເຮັດໃຫ້ສະພາບການເງິນຂອງບໍລິສັດດັ່ງກ່າວທີ່ຂາດສະພາບຄ່ອງຢູ່ແລ້ວຍິ່ງຮ້າຍແຮງຂຶ້ນ. ບໍລິສັດດັ່ງກ່າວເຄີຍໄດ້ຍື່ນຄຳຮ້ອງຂໍກ່ຽວກັບການຟື້ນຟູບໍລິສັດຄືນໃໝ່ຕໍ່ສານໃນທ້າຍເດືອນພຶດສະພາປີນີ້.
ຄຳເຫັນ
0