ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 14 ກັນຍານີ້, ຢູ່ນະຄອນຫຼວງປັກກິ່ງ, ທ່ານ ສີຈິ້ນຜິງ ປະທານປະເທດຈີນໄດ້ຈັດການສົນທະນາຜ່ານທາງວິດີໂອກັບທ່ານນາງ ແອງເຈີລາ ເມີເຄວ ນາຍົກລັດຖະມົນຕີເຢຍລະມັນທີ່ເປັນປະເທດປະທານໝູນວຽນຂອງສະຫະພາບເອີຣົບ, ທ່ານ ຊາເລ ມີແຊນ ປະທານສະພາມົນຕີເອີຣົບແລະທ່ານ ອູເຊີລາ ວອນ ເດີ ໄລເຢີ ປະທານຄະນະກຳມາທິການສະຫະພາບເອີຣົບ.
ທ່ານ ສີຈິ້ນຜິງ ໄດ້ຊີ້ແຈງຫຼັກໝັ້ນແລະຈຸດຢືນຂອງຈີນໃນບັນຫາທີ່ກ່ຽວຂ້ອງກັບເຂດບໍລິຫານພິເສດຮົງກົງແລະເຂດຊິ່ນຈ່ຽງໂດຍໄດ້ຊີ້ໃຫ້ເຫັນວ່າ:ທາດແທ້ຂອງບັນຫາທີ່ກ່ຽວຂ້ອງກັບຮົງກົງແລະເຂດຊິ່ນຈ່ຽງແມ່ນການປົກປັກຮັກສາອະທິປະໄຕແຫ່ງຊາດ,ຄວາມໝັ້ນຄົງແລະຄວາມເປັນເອກະພາບຂອງຈີນ, ປົກປ້ອງສິດຄວາມຢູ່ເຢັນເປັນສຸກຂອງປະຊາຊົນບັນດາເຜົ່າ. ຈີນເດັດດ່ຽວຄັດຄ້ານບຸກຄົນຫຼືອິດທິກຳລັງໃດໆທີ່ຢາກກໍ່ກວນຄວາມໝັ້ນຄົງ,ການແບ່ງແຍກແລະສ້າງຄວາມວຸ້ນວາຍຢູ່ຈີນ, ເດັດດ່ຽວຄັດຄ້ານປະເທດອື່ນທີ່ຢາກແຊກແຊງເຂົ້າໃນວຽກງານພາຍໃນຂອງຈີນ.
ທ່ານ ສີຈິ້ນຜິງ ກ່າວເນັ້ນວ່າ: ໃນໂລກນີ້ບໍ່ມີເສັ້ນທາງໃດເປັນມາດຕະຖານຂອງການພັດທະນາສິດທິມະນຸດ, ການຮັບປະກັນດ້ານສິດທິມະນຸດບໍ່ພຽງແຕ່ຕ້ອງເຮັດໃຫ້ໄດ້ດີທີ່ສຸດ, ຫາກຍັງຕ້ອງເຮັດໃຫ້ໄດ້ດີກວ່າເກົ່າ. ປະເທດຕ່າງໆໃນໂລກຄວນເຮັດວຽກຂອງຕົນໃຫ້ດີກ່ອນ. ເຊື່ອວ່າຝ່າຍເອີຣົບຈະສາມາດແກ້ໄຂບັນຫາສິດທິມະນຸດຂອງຕົນໃຫ້ດີ. ຈີນບໍ່ຍອມຮັບຕໍ່ຜູ້ອື່ນທີ່ຕັ້ງໂຕເປັນປະລະມາຈານດ້ານສິດທິມະນຸດ, ທັງຄັດຄ້ານການໃຊ້ສອງມາດຖານ.
ຄຳເຫັນ
0