ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສະພາມົນຕີສິດທິມະນຸດຂອງອົງການສະຫະປະຊາຊາດຄັ້ງທີ 45 ໄດ້ໄຂຂຶ້ນຢູ່ພະລາຊະວັງນານາຊາດທີ່ເຊີແນວປະເທດສະວິສ. ຄາດວ່າຈະດຳເນີນໄປຈົນຮອດວັນທີ 6 ຕຸລາໜ້ານີ້.
ທ່ານນາງ ມິແຊນ ບາຊີເລັດ ຂ້າຫຼວງໃຫຍ່ສິດທິມະນຸດຂອງອົງການສະຫະປະຊາຊາດກ່າວຢູ່ເຊີແນວວ່າ: ມາດຕະການດ້ານການຮັບປະກັນສິດທິມະນຸດທີ່ດີກໍຄືສາມາດຫຼຸດຜົນກະທົບຈາກພະຍາດໂຄວິດ-19 ໃຫ້ໜ້ອຍລົງ. ພາຍໃຕ້ສະພາບທີ່ພະຍາດໂຄວິດ-19 ຍັງແຜ່ລະບາດໃນປັດຈຸບັນ, ການກະທຳທີ່ສຳເລັດຜົນຂອງບາງປະເທດສະແດງໃຫ້ເຫັນວ່າ: ມີແຕ່ລະບົບປະກັນສັງຄົມທີ່ດີເທົ່ານັ້ນຈຶ່ງຈະສາມາດສະໜອງການບໍລິການດ້ານການປິ່ນປົວສຸຂະພາບທີ່ມີຄວາມສະດວກສະບາຍໃນເວລາທີ່ສຳຄັນ ແລະຮັບປະກັນສິດໂດຍພື້ນຖານຂອງປະຊາຊົນໄດ້ດີກວ່າເກົ່າໃນໄລຍະການແຜ່ລະບາດຂອງພະຍາດໂຄວິດ-19. ນາງຍັງກ່າວຕື່ມວ່າ: ໃນການແຜ່ລະບາດຂອງພະຍາດໂຄວິດ-19 ຄັ້ງນີ້ຍັງໄດ້ສ່ອງແສງໃຫ້ເຫັນເຖິງສະພາບທີ່ບໍ່ມີຄວາມສະເໝີພາບກັນເປັນເວລາດົນມາແລ້ວ, ກຸ່ມຄົນເຊື້ອຊາດແລະຜິວພັນທີ່ຕ່າງກັນແລະຖານະທາງເສດຖະກິດສັງຄົມທີ່ຕ່າງກັນກໍໄດ້ຮັບຜົນກະທົບທີ່ຕ່າງກັນໃນໄລຍະນີ້. ສະນັ້ນ, ປະເທດທີ່ກ່ຽວຂ້ອງຄວນໃຊ້ມາດຕະການທີ່ແທ້ຈິງເພື່ອສ້າງສັງຄົມທີ່ມີຄວາມຍຸດຕິທຳຫຼາຍກວ່າເກົ່າ.
ຄຳເຫັນ
0