ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ເວັບໄຊ “ໜັງສືພິມ ແຟຣງເຟີດເຕີ ໄອເກີໄມເນີ ໄຊຕົງ” ຂອງເຢຍລະມັນໄດ້ພິມບົດຄວາມທີ່ພາດຫົວຂໍ້ວ່າ: “ຈີນໄດ້ລື່ນກາຍອາເມຣິກາເປັນຕະຫຼາດສົ່ງອອກສິນຄ້າໃຫຍ່ທີ່ສຸດຂອງເຢຍລະມັນເປັນຄັ້ງທຳອິດ”, ບົດຄວາມຍັງລະບຸວ່າ: ການສົ່ງອອກສິນຄ້າຂອງເຢຍລະມັນສູ່ຈີນລາຍໄຕມາດໄດ້ລື່ນກາຍການສົ່ງອອກສິນຄ້າຂອງຕົນສູ່ຕໍ່ອາເມຣິກາແລະປະເທດອື່ນໆລາຍໄຕມາດເປັນຄັ້ງທຳອິດ, ຍ້ອນວ່າຈີນສາມາດຟື້ນຟູຈາກວິກິດການແຜ່ລະບາດຂອງພະຍາດໂຄວິດ-19 ໄດ້ໄວກວ່າປະເທດອື່ນ.
ອົງການສະຖິຕິສະຫະພັນເຢຍລະມັນໃຫ້ຮູ້ວ່າ: ແຕ່ເດືອນເມສາຫາເດືອນມິຖຸນາປີນີ້, ຍອດມູນຄ່າສົ່ງອອກສິນຄ້າຂອງເຢຍລະມັນສູ່ຈີນບັນລຸປະມານ 27 ຕື້ໂດລາ. ໃນໄລຍະດຽວກັນ, ມູນຄ່າສົ່ງອອກສິນຄ້າຂອງຕົນສູ່ອາເມຣິກາບັນລຸ 23.7 ຕື້ໂດລາສະຫະລັດ, ຂະນະທີ່ໃນຊຸມປີຜ່ານມາ, ອາເມຣິກາແມ່ນຕະຫຼາດສົ່ງອອກສິນຄ້າໃຫຍ່ທີ່ສຸດຂອງເຢຍລະມັນຕະຫຼອດມາ.
ບົດລາຍງານຊີ້ໃຫ້ເຫັນວ່າ: ເບິ່ງຈາກທ່າອ່ຽງໃນໄລຍະຍາວແລ້ວ, ເສດຖະກິດຈີນອາດຈະເຂັ້ມແຂງກວ່າເກົ່າອີກ, ສະນັ້ນຕະຫຼາດຈີນຈະເປັນຕະຫຼາດທີ່ສຳຄັນກວ່າໝູ່ຂອງເຢຍລະມັນ.
ຄຳເຫັນ
0