ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງເລຂາງານວາງສະແດງສິນຄ້າຈີນ-ອາຊຽນໄດ້ແຈ້ງໃຫ້ຮູ້ວ່າ: ງານວາງສະແດງສິນຄ້າຈີນ-ອາຊຽນຄັ້ງທີ 17 ຈະຈັດຂຶ້ນຢູ່ນະຄອນໜານໜິງເຂດປົກຄອງຕົນເອງເຜົ່າຈ້ວງກວາງຊີຈີນ ແຕ່ວັນທີ 27 ຫາ 30 ພະຈິກປີນີ້.
ງານວາງສະແດງຄັ້ງນີ້ມີຫົວຂໍ້ວ່າ: “ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ແລະ ຮ່ວມກັນພັດທະນາເສດຖະກິດດີຈີຕອນ”, ງານວາງສະແດງດັ່ງກ່າວຈະຈັດຂຶ້ນພ້ອມກັນໃນຮູບແບບອອນລາຍແລະອັອຟລາຍ. ໃນຂະນະດຽວກັນ, ກໍຈະຈັດກອງປະຊຸມສຸດຍອດທຸລະກິດແລະການລົງທຶນຈີນ-ອາຊຽນ, ກອງປະຊຸມເວທີປຶກສາຫາລືລະດັບສູງທີ່ກ່ຽວຂ້ອງ, ກິດຈະກຳຊຸກຍູ້ການຄ້າແລະການລົງທຶນທັງທາງອອນລາຍແລະອັອຟລາຍ, ເພື່ອເຮັດໃຫ້ “ຊ່ອງທາງໜານໜິງ” ລຸໂລ່ງວ່ອງໄວກວ່າເກົ່າ ເພື່ອບັນລຸເປົ້າໝາຍໃນການຊຸກຍູ້ການຮ່ວມມືມິດຕະພາບຈີນ-ອາຊຽນໃຫ້ກ້າວຂຶ້ນສູ່ລະດັບສູງກວ່າເກົ່າ ແລະ ມີປະສິດທິຜົນກວ່າກົ່າ ພາຍໃຕ້ສະພາບການທີ່ຮ່ວມກັນຕ້ານກັບການແຜ່ລະບາດຂອງພະຍາດໂຄວິດ-19.
ລາວເປັນປະເທດກິດຕິມະສັກໃນງານວາງສະແດງຄັ້ງນີ້, ໃນຂະນະດຽວກັນ, ປາກິດສະຖານຈະເຂົ້າຮ່ວມງານວາງສະແດງຄັ້ງນີ້ໃນຖານະເປັນປະເທດຄູ່ຮ່ວມທີ່ຖືກຮັບເຊີນພິເສດ.
ຄຳເຫັນ
0