ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕົວເລກຂໍ້ມູນທີ່ອົງການສະຖິຕິແຫ່ງຊາດຈີນເປີດເຜີຍໃນວັນທີ 15 ກັນຍານີ້ສະແດງໃຫ້ເຫັນວ່າ: ເດືອນສິງຫາປີນີ້, ມູນຄ່າເພີ່ມຂອງອຸດສາຫະກຳທີ່ມີຂະໜາດໃຫຍ່ຂອງຈີນໄດ້ເພີ່ມຂຶ້ນ 5,6% ເມື່ອທຽບໃສ່ໄລຍະດຽວກັນຂອງປີຜ່ານມາ, ຈັງຫວະການເຕີບໂຕໄດ້ເພີ່ມຂຶ້ນ 0,8% ເມື່ອທຽບໃສ່ເດືອນກໍລະກົດປີນີ້. ນັບແຕ່ເດືອນມັງກອນຫາເດືອນສິງຫາ, ມູນຄ່າເພີ່ມຂອງອຸດສາຫະກຳທີ່ມີຂະໜາດໃຫຍ່ໃນທົ່ວປະເທດຈີນໄດ້ເພີ່ມຂຶ້ນ 0,4% ເມື່ອທຽບໃສ່ໄລຍະດຽວກັນຂອງປີຜ່ານມາ, ຈັງຫວະການເຕີບໂຕໄດ້ພິກຈາກຕົວເລກລົບເປັນຕົວເລກບວກ. ໃນກອງປະຊຸມຂ່າວທີ່ຫ້ອງການຖະແຫຼງຂ່າວລັດຖະບານຈີນຈັດຂຶ້ນໃນວັນທີ 15 ກັນຍານີ້, ທ່ານຟູ້ລິງຮຸຍ ໂຄສົກອົງການສະຖິຕິແຫ່ງຊາດຈີນກ່າວວ່າ: ເດືອນສິງຫາປີນີ້, ການຜະລິດໃນຂະແໜງການບໍລິການຂອງຈີນໄດ້ເຕີບໂຕຢ່າງໜັກແໜ້ນ, ການປະກອບອາຊີບ ແລະ ລາຄາສິນຄ້າສາມາດຣັກສາຄວາມໝັ້ນທ່ຽງໂດຍລວມ, ການເຕີບໂຕດ້ານການຄ້າກັບຕ່າງປະເທດ ແລະ ການລົງທຶນຂອງຕ່າງປະເທດໄດ້ເພີ່ມຂຶ້ນກວ່າທີ່ຄາດຄະເນໄວ້.
ທ່ານຢາວຈິງຢວນ ນັກຄົ້ນຄວ້າພິເສດຂອງຫ້ອງການທີ່ປຶກສາຄະນະລັດຖະບານຈີນເຫັນວ່າ: ຖ້າເສດຖະກິດຈີນສາມາດສືບຕໍ່ຮັກສາຈັງຫວະການຟື້ນຟູໄດ້ຢ່າງໜັກແໜ້ນໃນເດືອນກັນຍາ, ຈັງຫວະການເຕີບໂຕໃນໄຕມາດທີ 3 ປີນີ້ຈະໄວກວ່າໄຕມາດທີ 2 ປີນີ້ຢ່າງຈະແຈ້ງ.
ຄຳເຫັນ
0