ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 16 ກັນຍານີ້, ທ່ານນາງເມິ້ງເຫວີຍ ໂຄສົກຄະນະກຳມະການການພັດທະນາແລະປະຕິຮູບແຫ່ງຊາດຈີນກ່າວວ່າ: ພາຍຫຼັງໄດ້ເກີດມີການແຜ່ລະບາດຂອງພະຍາດໂຄວິດ-19ແລ້ວ, ຈີນໄດ້ສ້າງກົນໄກເໝົາເຮືອບິນເດີນທາງມາຈີນສຳລັບຄົນຕ່າງປະເທດທີ່ດຳເນີນໂຄງການລົງທຶນຂະໜາດໃຫຍ່ຢູ່ຈີນ ແລະ ນັບແຕ່ເດືອນເມສາປີນີ້ເປັນຕົ້ນມາ, ຄົນຕ່າງປະເທດຫຼາຍກວ່າໜຶ່ງໝື່ນຄົນໄດ້ເດີນທາງເຂົ້າອອກຈີນໂດຍຜ່ານກົນໄກເໝົາເຮືອບິນ.
ນອກນີ້, ທ່ານນາງເມິ້ງເຫວີຍ ຍັງກ່າວຕື່ມວ່າ: ວັນທີ 9 ກັນຍານີ້, ສະພາການຄ້າອາເມຣິກາປະຈຳຊຽງໄຮ້ໄດ້ເຜີຍແຜ່ບົດລາຍງານ ໂດຍລະບຸວ່າ: ວິສາຫະກິດສ່ວນຫຼາຍແມ່ນເຫັນໄປໃນແງ່ດີຢ່າງຕໍ່ເນື່ອງຕໍ່ຕະຫຼາດຈີນ, ວິສາຫະກິດທີ່ໄດ້ຕອບແບບສອບຖາມມີ 78,6% ໄດ້ກ່າວວ່າຈະບໍ່ຍ້າຍກິດຈະການການລົງທຶນຂອງຕົນອອກຈາກຈີນ ເຊິ່ງເພີ່ມຂຶ້ນ 5,1% ເມື່ອທຽບໃສ່ປີຜ່ານມາ; ວັນທີ 10 ກັນຍານີ້, ສະພາການຄ້າສະຫະພາບເອີຣົບປະຈຳຈີນກໍໄດ້ເຜີຍແຜ່ບົດລາຍງານໂດຍລະບຸວ່າ: ວິສາຫະກິດຂອງສະຫະພາບເອີຣົບລົງທຶນຢູ່ຈີນຢ່າງມີຄວາມໝັ້ນທ່ຽງໂດຍລວມ, ມີວິສາຫະກິດທີ່ໄດ້ຕອບແບບສອບຖາມພຽງ 11% ເທົ່ານັ້ນທີ່ພິຈາລະນາວ່າອາດຈະຍ້າຍກິດຈະການອອກຈາກຈີນ ຫຼື ປ່ຽນແປງແຜນການລົງທຶນ ເຊິ່ງໃກ້ຄຽງກັບຕົວເລກລະດັບຕ່ຳສຸດໃນຮອບ 10 ປີຜ່ານມາ. ຕົວເລກເຫຼົ່ານີ້ໄດ້ສະແດງໃຫ້ເຫັນຕື່ມອີກວ່າ, ວິສາຫະກິດຕ່າງປະເທດມີຄວາມໝັ້ນໃຈບໍ່ປ່ຽນແປງຕໍ່ການລົງທຶນແລະດຳເນີນທຸລະກິດຢູ່ຈີນເປັນໄລຍະຍາວນານ.
ຄຳເຫັນ
0