ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສັບປະດາແລກປ່ຽນວັດທະນະທຳແລະທ່ອງທ່ຽວ “ໜຶ່ງແລວໜຶ່ງເສັ້ນທາງ” ອາຊຽນປີ 2020 ພາຍໃຕ້ຫົວຂໍ້: “ລົງເລິກການເຊື່ອມຈອດກັນດ້ານດີຈີຕອນ ແລະ ຮ່ວມກັນສ້າງອະນາຄົດທີ່ດີງາມ” ໄດ້ຈັດຂຶ້ນຢູ່ນະຄອນກຸ້ຍຢາງແຂວງກຸ້ຍໂຈ່ວຈີນໃນວັນທີ 17 ກັນຍານີ້ ເຊິ່ງມີຈຸດປະສົງລົງເລິກການພົວພັນຮ່ວມມືລະຫວ່າງນະຄອນກຸ້ຍຢາງກັບບັນດາປະເທດອາຊຽນ ໂດຍອີງໃສ່ແນວຄວາມຄິດກ່ຽວກັບວິທະຍາສາດເຕັກໂນໂລຊີຖານຂໍ້ມູນໃຫຍ່ ເພື່ອສ້າງເວທີຮ່ວມມືແບບຕ່າງຝ່າຍຕ່າງມີຜົນປະໂຫຍດດ້ານວັດທະນະທຳແລະທ່ອງທ່ຽວ “ເສັ້ນທາງສາຍໄໝດີຈີຕອນ”.
ທ່ານຣາຈາ ນູຊິນວັນ ເອກອັກຄະລັດຖະທູດມາເລເຊຍປະຈຳຈີນກ່າວວ່າ: ຂະແໜງການທ່ອງທ່ຽວມາເລເຊຍໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ຢ່າງໜັກໜ່ວງ, ເດືອນມີນາປີ 2020, ອັດຕາເຂົ້າພັກຢູ່ໂຮງແຮມມາເລເຊຍມີພຽງ 6%. ປັດຈຸບັນ, ຄຽງຄູ່ກັບການປ້ອງກັນແລະຄວບຄຸມການແຜ່ລະບາດຂອງພະຍາດໄດ້ເຂົ້າສູ່ສະພາບການປົກກະຕິ, ຫວັງວ່າ, ຈີນແລະມາເລເຊຍຈະມີໂອກາດຮ່ວມມືຫຼາຍກວ່າເກົ່າໃນຂະແໜງການທ່ອງທ່ຽວ.
ສັບປະດາແລກປ່ຽນວັດທະນະທຳແລະທ່ອງທ່ຽວຄັ້ງນີ້ໄດ້ສ້າງ “ເວທີດີຈີຕອນກ່ຽວກັບການຮ່ວມມືຊັບພະຍາກອນອາຊຽນ-ຈີນ” ເຊິ່ງເປັນການປະດິດສ້າງໃໝ່ກ່ຽວກັບງານວາງສະແດງທາງອິນເຕີເນັດ ແລະ ໄດ້ດຶງດູດວິສາຫະກິດ 560 ກວ່າແຫ່ງຈາກ 39 ປະເທດ ແລະ ເຂດແຄວ້ນເຂົ້າຮ່ວມງານທາງອອນລາຍ ແລະ ອັອຟລາຍ.
ຄຳເຫັນ
0