ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານອຳພັນ ໄຊຍາສຸບັດ ຮອງເລຂາທິການ ສູນການຮ່ວມມືປະຕິບັດກົດໝາຍ ແລະ ຮັກສາຄວາມສະຫງົບຕາມລຳແມ່ນ້ຳລ້ານຊ້າງ-ແມ່ນ້ຳຂອງໄດ້ນຳພາຄະນະຜູ້ແທນໄປທັດສະນະສຶກສາຢູ່ແຂວງກວາງຕຸ້ງ.
ຄະນະຜູ້ແທນໄດ້ໄປຢ້ຽມຢາມພະແນກປ້ອງກັນຄວາມສະຫງົບແຂວງກວາງຕຸ້ງ ແລະໄດ້ແລກປ່ຽນຄວາມຄິດເຫັນກ່ຽວກັບວຽກງານຕ້ານອາຊະຍະກຳສໍ້ໂກງທາງໂທລະຄົມ ແລະ ອິນເຕີເນັດ, ພະແນກປ້ອງກັນຄວາມສະຫງົບແຂວງກວາງຕຸ້ງໄດ້ແນະນຳສະພາບການທີ່ກ່ຽວຂ້ອງກັບສູນຄົ້ນຄວ້າອາຊະຍະກຳແບບໃໝ່ຂອງແຂວງກວາງຕຸ້ງ, ແລະໄດ້ມີຂໍ້ສະເໜີເພື່ອລົງເລິກການຮ່ວມມືກັບ ສູນການຮ່ວມມືປະຕິບັດກົດໝາຍ ແລະ ຮັກສາຄວາມສະຫງົບຕາມລຳແມ່ນ້ຳລ້ານຊ້າງ-ແມ່ນ້ຳຂອງ, ທັງຫວັງຢາກໃຫ້ຖືເອົາການຢ້ຽມຢາມຄັ້ງນີ້ເປັນໂອກາດ ເພື່ອເພີ່ມທະວີການແລກປ່ຽນບົດຮຽນເຊິ່ງກັນແລະກັນ ແລະ ຮ່ວມມືກັນຕ້ານກັບອາຊະຍະກຳສໍ້ໂກງໂທລະຄົມ ແລະ ອິນເຕີເນັດຂ້າມຊາດ.
ທ່ານອຳພັນ ໄຊຍາສຸບັດໄດ້ແນະນຳໂຄງປະກອບ ແລະ ສະພາບການດຳເນີນວຽກງານຂອງ ສູນການຮ່ວມມືປະຕິບັດກົດໝາຍ ແລະ ຮັກສາຄວາມສະຫງົບຕາມລຳແມ່ນ້ຳລ້ານຊ້າງ-ແມ່ນ້ຳຂອງ. ທ່ານກ່າວວ່າ, ໜ່ວຍງານຕົນມີໜ້າທີ່ທີ່ໃຫ້ການບໍລິການແກ່ພາກສ່ວນປະຕິບັດກົດໝາຍຂອງປະເທດສະມາຊິກຕ່າງໆ, ເພື່ອຮ່ວມກັນຮັບມືກັບການປ່ຽນແປງຂອງສະພາບການທີ່ມີຕໍ່ຄວາມໝັ້ນຄົງ ຄວາມສ່ຽງແລະ ສິ່ງທ້າທາຍໃນພາກພື້ນ. ສູນການຮ່ວມມືປະຕິບັດກົດໝາຍ ແລະ ຮັກສາຄວາມສະຫງົບຕາມລຳແມ່ນ້ຳລ້ານຊ້າງ-ແມ່ນ້ຳຂອງຍິນດີເພີ່ມທະວີການແລກປ່ຽນ ແລະ ການຮ່ວມມືກັບເຈົ້າໜ້າທີ່ຕຳຫຼວດກວາງຕຸ້ງ, ປະກອບສ່ວນເຂົ້າໃນການສ້າງຜົນປະໂຫຍດດ້ານຄວາມສະຫງົບໃຫ້ແກປະຊາຊົນບັນດາປະເທດຕາມລຳແມ່ນ້ຳລ້ານຊ້າງ-ແມ່ນ້ຳຂອງ.
ຄຳເຫັນ
0