ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ກັນຍານີ້, ກອງປະຊຸມສຸດຍອດເພື່ອລະນຶກວັນສ້າງຕັ້ງອົງການສະຫະປະຊາຊາດຄົບຮອບ 75 ປີໄດ້ຈັດຂຶ້ນຢູ່ນະຄອນນິວຢອກສະຫະລັດອາເມຣິກາ. ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສທີ່ສຳຄັນຜ່ານທາງວີດີໂອ, ໂດຍຊີ້ອອກວ່າ: ອົງການສະຫະປະຊາຊາດຍັງເຕັມໄປດ້ວຍຄວາມຊີວິດຊີວາ, ແລະເປັນຄວາມປາຖະໜາຂອງປະຊາຊົນ 7 ຕື້ກວ່າຄົນທີ່ຢາກມີຊີວິດການເປັນຢູ່ທີ່ດີງາມ, ກົດບັດສະຫະປະຊາຊາດຍັງເປັນສິ່ງຮັບປະກັນທີ່ສຳຄັນຕໍ່ສັນຕິພາບ ແລະ ການພັດທະນາຂອງໂລກ.
ທ່ານສີຈິ້ນຜິງກ່າວວ່າ, ອົງການສະຫະປະຊາຊາດໄດ້ຜ່ານຂະບວນການການເຄື່ອນໄຫວທີ່ບໍ່ທຳມະດາຕະຫຼອດໄລຍະ 75 ປີຜ່ານມາ. ໂລກປະຈຸບັນພວມຜະເຊີນກັບການປ່ຽນແປງອັນໃຫຍ່ຫຼວງແບບບໍ່ເຄີຍມີມາກ່ອນໃນຮອບຮ້ອຍປີຜ່ານມາ, ການແຜ່ລະບາດຂອງພະຍາດໂຄວິດ-19ທີ່ເກີດຂຶ້ນຢ່າງກະທັນຫັນເປັນສິ່ງທົດສອບທີ່ຂ້ຽວຂາດອີກຄັ້ງໜຶ່ງຕໍ່ກັບໂລກ. ບັນດາປະເທດມີຜົນປະໂຫຍດ ແລະ ຊາຕາກຳທີ່ພົວພັນກັນຢ່າງໃກ້ຊິດ. ໄພຂົ່ມຂູ່ ແລະ ສິ່ງທ້າທາຍທີ່ມີລັກສະນະທົ່ວໂລກຕ້ອງການໃຫ້ພວກເຮົາຮັບມືໃນລັກສະນະທົ່ວໂລກທີ່ເຂັ້ມແຂງ.
ຄຳເຫັນ
0