ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ກັນຍານີ້, ລັດຖະມົນຕີກະຊວງການຄ້າ ແລະການລົງທຶນຂອງກຸ່ມ G20 ໄດ້ຈັດກອງປະຊຸມຜ່ານທາງວິດີໂອ, ໂດຍໄດ້ໃຫ້ຄຳໝັ້ນສັນຍາຈະສືບຕໍ່ເພີ່ມທະວີການປະສານງານ ແລະການຮ່ວມມືເພື່ອຫຼຸດຜ່ອນຜົນກະທົບຂອງພະຍາດໂຄວິດ-19, ຊຸກຍູ້ການຟື້ນຟູດ້ານການຄ້າ ແລະການລົງທຶນສາກົນ, ທັງສະໜັບສະໜູນອົງການການຄ້າໂລກດຳເນີນການປະຕິຮູບທີ່ຈຳເປັນ.
ກອງປະຊຸມດັ່ງກ່າວໄດ້ຈັດຂຶ້ນພາຍໃຕ້ການເປັນປະທານຂອງອຸດິດອາຣັບບີທີ່ເປັນປະເທດປະທານໝູນວຽນຂອງກຸ່ມ G20, ແລະຮັບຮອງເອກະສານ “ຂໍ້ລິເລີ່ມຣີຢັດກ່ຽວກັບອະນາຄົດຂອງອົງການການຄ້າໂລກ” ແລະເອກະສານອື່ນໆ. ກອງປະຊຸມດັ່ງກ່າວໄດ້ອອກຖະແຫຼງການວ່າ: ຂໍ້ລິເລີ່ມຣີຢັດໄດ້ສະໜອງໂອກາດໃນການປຶກສາຫາລືກັນເຖິງເປົ້າໝາຍ ແລະຫຼັກການພື້ນຖານຂອງລະບົບການຄ້າຫຼາຍຝ່າຍ. ຜົນສັກສິດຂອງລະບົບການຄ້າຫຼາຍຝ່າຍຂຶ້ນຢູ່ກັບການຈັດຕັ້ງປະຕິບັດລະບຽບການຂອງອົງການການຄ້າໂລກຂອງສະມາຊິກທັງໝົດ, ກຸ່ມ G20 ຈະສືບຕໍ່ສຸມໃສ່ການຮ່ວມມືຢ່າງຕັ້ງໜ້າ ແລະລັກສະນະສ້າງສັນກັບປະເທດສະມາຊິກອື່ນໆຂອງອົງການການຄ້າໂລກ ແລະສະໜັບສະໜູນການດຳເນີນການປະຕິຮູບທີ່ຈຳເປັນຕໍ່ອົງການການຄ້າໂລກ.
ຖະແຫຼງການດັ່ງກ່າວຍັງຊີ້ໃຫ້ເຫັນວ່າ: ສິ່ງທ້າທາຍຈາກພະຍາດໂຄວິດ-19 ຍັງເປັນບັນຫາຈຸດສຸມຂອງໂລກ, ລະບົບການຄ້າຫຼາຍຝ່າຍສາມາດຊຸກຍູ້ການຄ້າສາກົນ, ຍົກສູງຄວາມໝັ້ນທ່ຽງ ແລະລັກສະນະຄາດຄະເນໄດ້ຂອງນະໂຍບາຍການຄ້າ ແລະການລົງທຶນ, ລວມທັງການຮັບປະກັນໃຫ້ບັນດາປະເທດມີອຸປະກອນການແພດ ແລະຢາປິ່ນປົວຢ່າງເປັນທຳ.
ຄຳເຫັນ
0