ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 22 ກັນຍານີ້ຕາມເວລາທ້ອງຖິ່ນ, ໜັງສືພິມວໍຊິງຕັນໂພສລາຍງານວ່າ: ໃນເດືອນມີນາປີນີ້ ລັດຖະສະພາອາເມຣິກາໄດ້ເບີກງົບປະມານຕ້ານພະຍາດໂຄວິດ-19 ຈຳນວນ 1 ຕື້ໂດລາໃຫ້ກະຊວງປ້ອງກັນປະເທດອາເມຣິກາ ໂດຍອີງໃສ່ “ກົດໝາຍວ່າດ້ວຍການຊ່ວຍເຫຼືອໃຫ້ເງິນອຸດໜູນຕ້ານເຊືຶ້ອພະຍາດໂຄໂຣນາ ແລະ ຄວາມໝັ້ນຄົງດ້ານເສດຖະກິດ”, ແຕ່ຫຼັງຈາກນັ້ນ ເງິນໃນບ້ວງນີ້ສ່ວນຫຼາຍ ໄດ້ຖືກນັກທຸລະກິດຜູ້ຮັບເໝົາກ່ຽວກັບວຽກປ້ອງກັນປະເທດທີ່ບໍ່ມີສ່ວນກ່ຽວຂ້ອງກັບການຕ້ານພະຍາດແບ່ງເອົາໄປ.
ເດືອນເມສາປີນີ້, ທ່ານເອເລັນ ລອດ ຮອງລັດຖະມົນຕີກະຊວງປ້ອງກັນປະເທດອາເມຣິກາທີ່ຮັບຜິດຊອບວຽກງານການຈັດຊື້ ແລະ ພະລາທິການໄດ້ໃຫ້ສຳພາດຕໍ່ສື່ມວນຊົນວ່າ, 3 ສ່ວນ 4 ຂອງງົບປະມານດັ່ງກ່າວຈະໃຊ້ໃນການຜະລິດອຸປະກອນການແພດ, ແຕ່ໃນຄວາມເປັນຈິງແລ້ວ, ອີງຕາມແຜນການທີ່ກະຊວງປ້ອງກັນປະເທດອາເມຣິກາຍື່ນໃຫ້ລັດຖະສະພາເມື່ອເດືອນມິຖຸນານັ້ນ, ມີ ເງິນຈຳນວນ 688 ລ້ານໂດລາຖືກນຳໃຊ້ເຂົ້າໃນອຸດສາຫະກຳການທະຫານ.
ໃນເວລາເຂົ້າຮ່ວມງານຟັງຄຳໃຫ້ການຂອງສະພາສູງອາເມຣິກາໃນອາທິດຜ່ານມາ, ທ່ານໂຣເບິດ ເຣັດຟີວ ຫົວໜ້າສູນປ້ອງກັນ ແລະ ຄວບຄຸມພະຍາດຂອງອາເມຣິກາກ່າວວ່າ, ປະຈຸບັນ ລັດຕ່າງໆຂອງອາເມຣິກາຕ້ອງການເງິນ 6 ຕື້ໂດລາສະຫະລັດຢ່າງຮີບດ່ວນ, ເພື່ອຈັດຊື້ຢາວັກຊີນແຈກຢາຍໃຫ້ແກ່ຊາວອາເມຣິກາໃນຕົ້ນປີໜ້າ. ແຕ່ໂຮງໝໍຫຼາຍແຫ່ງຂອງອາເມຣິກາຍັງຂາດເຂີນຜ້າປິດປາກN95ຢ່າງໜັກໜ່ວງ. ໜັງສືພິມວໍຊິງຕັນ ໂພສລາຍງານວ່າ, ຕາມແຜນເດີມ ບັນຫາເຫຼົ່ານີ້ສາມາດແກ້ໄຂໄດ້ດ້ວຍບ້ວງເງິນທີ່ລັດຖະສະພາເບີກໃຫ້ແລ້ວໃນເດືອນມີນາປີນີ້.
ຄຳເຫັນ
0