ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ກັນຍານີ້, ອົງການແຮງງານສາກົນໄດ້ເປີດເຜີຍບົດລາຍງານສະບັບໜຶ່ງໂດຍຊີ້ໃຫ້ເຫັນວ່າ: ສະພາບການພະຍາດໂຄວິດ-19 ໄດ້ເຮັດໃຫ້ລາຍຮັບຂອງອອກແຮງງານໃນໂລກຫຼຸດລົງຢ່າງຫຼວງຫຼາຍ.
ບົດລາຍງານໄດ້ຊີ້ໃຫ້ເຫັນວ່າ: ເມື່ອທຽບໃສ່ໄລຍະດຽວກັນຂອງປີ 2019 ແລ້ວ, ລາຍຮັບຂອງແຮງງານທົ່ວໂລກໃນ 3 ໄຕມາດຂອງປີນີ້ຫຼຸດລົງ 10,7%, ຄື: 3500 ຕື້ໂດລາສະຫະລັດ ເຊິ່ງບໍ່ລວມທັງເງິນອຸດໜູນຈາກລັດຖະບານ. ລາຍຮັບຂອງແຮງງານຂອງປະເທດທີ່ມີລາຍຮັບປານກາງ ແລະຕ່ຳໄດ້ຫຼຸດລົງຫຼາຍທີ່ສຸດ ຄື: 15,1%. ເມື່ອເບິ່ງຕາມເຂດແຄວ້ນ, ທະວີບອາເມຣິກາໄດ້ຮັບຜົນກະທົບຫຼາຍທີ່ສຸດ ເຊິ່ງໄດ້ຫຼຸດລົງ 12,1%.
ບົດລາຍງານຍັງຊີ້ໃຫ້ເຫັນວ່າ: ຜູ້ອອກແຮງງານຈາກປະເທດທີ່ກຳລັງພັດທະນາ ແລະກຸ່ມເສດຖະກິດທີ່ຈະເລີນໃໝ່ ໂດຍສະເພາະແມ່ນຜູ້ອອກແຮງງານທີ່ເຮັດວຽກບໍ່ປະຈຳໄດ້ຮັບຜົນກະທົບຫຼາຍກວ່າຖ້າທຽບໃສ່ວິກິດການຕ່າງໆທີ່ເຄີຍເກີດຂຶ້ນ. ນະໂຍບາຍທາງການເງິນອາດຈະສາມາດຜ່ອນຄາຍຜົນກະທົບຈາກພະຍາດໂຄວິດ-19 ທີ່ມີຕໍ່ຕະຫຼາດແຮງງານໄດ້ຢ່າງມີປະສິດທິຜົນ.
ຄຳເຫັນ
0