ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ກັນຍານີ້, ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດໄດ້ປະກອບຄຳເຫັນ, ໂດຍຮຽກຮ້ອງໃຫ້ປະຊາຄົມໂລກຈົ່ງ ພິຈາລະນາເຖິງການບໍລິຫານໂລກ ແລະ ລັດທິຫຼາຍຝ່າຍດ້ວຍຮູບການປະດິດສ້າງໃໝ່, ເພື່ອໃຫ້ສອດຄ່ອງກັບຄວາມຕ້ອງການໃນສະຕະວັດທີ 21.
ວັນທີ 24 ກັນຍານີ້, ໃນກອງປະຊຸມອະພິປາຍລະດັບສູງສຸດໃນຫົວຂໍ້ “ການບໍລິຫານໂລກຫຼັງເກີດມີການແຜ່ລະບາດຂອງພະຍາດໂຄວິດ-19” ຂອງສະພາຄວາມໝັ້ນຄົງອົງການສະຫະປະຊາຊາດ, ທ່ານກູເຕີເຣັສກ່າວວ່າ, ການແຜ່ລະບາດຂອງພະຍາດໂຄວິດ-19 ແມ່ນວິກິດການລັກສະນະຮອບດ້ານ, ພາໃຫ້ມີ 30 ລ້ານຄົນຖືກບົ່ງມະຕິເປັນພະຍາດດັ່ງກ່າວ ແລະ ເກືອບ 1 ລ້ານຄົນເສຍຊີວິດ. ສາເຫດທີ່ພາໃຫ້ເກີດມີສະພາບການຄືແນວນີ້ແມ່ນຍ້ອນວ່າທົ່ວໂລກບໍ່ໄດ້ກຽມພ້ອມ, ມີການຮ່ວມມື ຄວາມສາມັກຄີ ແລະ ການຊ່ວຍເຫຼືອກັນຢ່າງບໍ່ພຽງພໍ. ໃນການທົດສອບຄັ້ງນີ້, “ພວກເຮົາໄດ້ປະລາໄຊໂດຍພື້ນຖານແລ້ວ”. ຖ້າວ່າປະຊາຄົມໂລກຍັງຮັບມືດ້ວຍຮູບການທີ່ຂາດຄວາມສາມັກຄີ ແລະ ສັບສົນຄືເກົ່າ, ໃນອະນາຄົດຈະເກີດສິ່ງທ້າທາຍໃນລັກສະນະໄພພິບັດຫຼາຍກວ່າເກົ່າ.
ທ່ານກູເຕີເຣັສຮຽກຮ້ອງໃຫ້ສ້າງລະບົບບໍລິຫານໂລກທີ່ມີລັກສະນະເດັດຂາດປະສານສົມທົບກັນ ຄ່ອງແຄ້ວ ແລະ ສາມາດຮັບມືກັບສິ່ງທ້າທາຍຊະນິດຕ່າງໆໄດ້ທຸກເວລາ; ປະຊາຄົມໂລກຕ້ອງການລັດທິຫຼາຍຝ່າຍໃນລັກສະນະເປັນເຄືອຂ່າຍ ໂດຍຢູ່ບົນພື້ນຖານ ການພົວພັນ ແລະ ການຮ່ວມມືລະຫວ່າງອົງການທີ່ມີລັກສະນະທົ່ວໂລກ ອົງການພາກພື້ນ ສະຖາບັນການເງິນສາກົນ ແລະ ສະຫະພັນສາກົນອື່ນໆໄດ້ເພີ່ມຂຶ້ນກວ່າເກົ່າຢ່າງແໜ້ນແຟ້ນ.
ຄຳເຫັນ
0