ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວາລະສານ Nature ຂອງອັງກິດສະບັບວັນທີ 23 ກັນຍານີ້ໄດ້ລົງບົດຄວາມໂດຍຊີ້ອອກວ່າ: ຈີນໄດ້ເສີມຂະຫຍາຍບົດບາດສຳຄັນທີ່ສຸດໃນການບໍລິຫານຊີວະນານາພັນຂອງໂລກ, ສະນັ້ນ, ໂລກຄວນຮັບຟັງບົດຮຽນອັນລ້ຳຄ່າຂອງຈີນໃນການອະນຸລັກຊີວະນານາພັນຂອງນັກວິທະຍາສາດຈີນ.
ບົດຄວາມໄດ້ອີງໃສ່ “ວິໄສທັດຊີວະນານາພັນຂອງໂລກ”ສະບັບທີ 5 ເຊິ່ງກອງເລຂາອົງການສະຫະປະຊາຊາດກ່ຽວກັບສົນທິສັນຍາຊີວະນານາພັນເປີດເຜີຍໃນຫວ່າງກ່ອນນີ້ບໍ່ດົນວ່າ, ໃນ20ເປົ້າໝາຍ ກ່ຽວກັບການອະນຸລັກຊີວະນານາພັນ ແລະສິ່ງແວດລ້ອມນິເວດ ທີ່ທົ່ວໂລກໄດ້ຕັ້ງຂຶ້ນໃນປີ 2010 ເຊິ່ງຕາມແຜນການຈະໃຫ້ບັນລຸຜົນເປັນຈິງໃນປີ 2020ນັ້ນ, ນອກຈາກມີ 6 ເປົ້າໝາຍໄດ້ບັນລຸສ່ວນໃດສ່ວນໜຶ່ງແລ້ວ, ເຫຼືອນັ້ນລ້ວນແຕ່ຍັງບໍ່ທັນໄດ້ບັນລຸເປົ້າໝາຍເທື່ອ. ປີ 2019, ບັນດາປະເທດໄດ້ດຳເນີນໂຄງການການວິໄຈກ່ຽວກັບຊີວະນານາພັນ ເຊິ່ງຜົນຂອງການວິໄຈສະແດງໃຫ້ເຫັນວ່າ: ສັດແລະພືດປະມານ 1 ລ້ານຊະນິດກຳລັງຜະເຊີນກັບຄວາມສ່ຽງທີ່ຈະສູນພັນ.
ກອງປະຊຸມພາຄີສົນທິສັນຍາກ່ຽວກັບຊີວະນານາພັນຂອງອົງການສະຫະປະຊາຊາດຄັ້ງທີ 15 ຈະຈັດຂຶ້ນຢູ່ນະຄອນຄຸນມິງຂອງຈີນໃນປີ 2021, ເຊິ່ງກອງປະຊຸມຈະປຶກສາຫາລືກັນກ່ຽວກັບເນື້ອໃນຂອງ “ຂອບຊີວະນານາພັນຫຼັງປີ 2020” ທັງຕັ້ງເປົ້າໝາຍໃໝ່ກ່ຽວກັບຊີວະນານາພັນທົ່ວໂລກລະຫວ່າງປີ2021-2030.
ບົດຄວມຂຽນວ່າ: ຈີນມີບົດຮຽນທີ່ສະສົມມາເປັນເວລາຫຼາຍສິບປີກ່ຽວກັບການເຮັດແນວໃດເພື່ອເຮັດໃຫ້ການພັດທະນາດ້ານເສດຖະກິດ ກັບການຄວບຄຸມຜົນເສຍຫາຍທີ່ມີຕໍ່ຊີວະນານາພັນແລະລະບົບນິເວດໃຫ້ມີຄວາມສົມດຸນກັນ ເຊິ່ງໄດ້ສ້າງຜົນປະໂຫຍດອັນສຳຄັນໃຫ້ແກ່ການຊຸກຍູ້ວຽກງານຊີວະນານາພັນຂອງໂລກ. ນັກວິທະຍາສາດຈີນເປັນແກນກາງໃນການຊຸກຍູ້ການອະນຸລັກສິ່ງແວດລ້ອມນິເວດ ກັບ ການພັດທະນາເສດຖະກິດໃຫ້ສາມາດໄປຄຽງຄູ່ກັນໄດ້ມາໂດຍຕະຫຼອດ, ບົດຮຽນຂອງເຂົາເຈົ້າສາມາດຖືເປັນໂອກາດສຳຄັນໃຫ້ປະເທດອື່ນຖອດຖອນຮ່ຳຮຽນເພື່ອຊ່ວຍກອບກູ້ຊີວະນານາພັນແລະປົກປ້ອງລະບົບນິເວດ.
ຄຳເຫັນ
0