ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ກັນຍານີ້, ທ່ານກ່າວເຟີ່ງ ໂຄສົກກະຊວງການຄ້າຈີນກ່າວວ່າ: ຈີນຍັງແມ່ນປະເທດໜ້າລົງທຶນສຳລັບນັກລົງທຶນ ປະເທດຕ່າງໆຄືເກົ່າ ເຊິ່ງລວມທັງອາເມຣິກາ.
ທ່ານກ່າວເຟີ່ງໄດ້ກ່າວໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນວ່າ: ປັດຈຸບັນ, ເສດຖະກິດໂລກພວມມີຄວາມສ່ຽງທີ່ຈະຊຸດໂຊມລົງ, ການລົງທຶນຂ້າມຊາດໃນທົ່ວໂລກໄດ້ຮັບຜົນກະທົບທີ່ໜັກໜ່ວງ. ແຕ່ເຖິງວ່າເປັນແນວນີ້ກໍຕາມ, ຈີນຍັງສາມາດຮັກສາທ່ວງທ່າທີ່ດີໂດຍລວມສຳລັບການດຶງດູດທຶນຕ່າງປະເທດແລະການລົງທຶນຢູ່ຕ່າງປະເທດ. ທ່ານໄດ້ອີງໃສ່ຜົນການສຳຫຼວດທີ່ສະພາການຄ້າອາເມຣິກາ-ຈີນປະກາດໃນຫວ່າງມໍ່ໆມານີ້ວ່າ: ວິສາຫະກິດທີ່ໄດ້ໃຫ້ສຳພາດນັ້ນ ມີ 83% ຍັງຖືປະເທດຈີນເປັນໜຶ່ງໃນຕະຫຼາດສຳຄັນທີ່ສຸດໃນໂລກ ເຊິ່ງສະແດງໃຫ້ເຫັນຢ່າງເຕັມສ່ວນວ່າ: ນັກລົງທຶນຕ່າງປະເທດມີຄວາມໝັ້ນໃຈຕໍ່ຕະຫຼາດຈີນ. ທ່ານກ່າວວ່າ: ຈີນຈະເປີດກວ້າງການເປີດປະຕູສູ່ພາຍນອກຢ່າງເດັດດ່ຽວໜຽວແໜ້ນ, ສ້າງສະພາບແວດລ້ອມການດຳເນີນທຸລະກິດໃຫ້ດີຂຶ້ນ, ຊົມໃຊ້ໂອກາດການພັດທະນາຂອງຈີນຮ່ວມກັບນັກລົງທຶນຂອງບັນດາປະເທດ.
ອີງຕາມຕົວເລກສະຖິຕິຂອງຈີນ, ມູນຄ່າການລົງທຶນຂອງຕ່າງປະເທດທີ່ນຳໃຊ້ຈິງຢູ່ຈີນແຕ່ເດືອນມັງກອນຫາເດືອນສິງຫາປີນີ້ໄດ້ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 2,6%, ໃນນັ້ນ, ຈັງຫວະການເຕີບໂຕຂອງການລົງທຶນຂອງຕ່າງປະເທດຕົວຈິງໃນເດືອນສິງຫາຜ່ານມານີ້ມີເຖິງ 18,7%.
ຄຳເຫັນ
0