ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນຢືນຢັນໃນກອງປະຊຸມຖະແຫຼງຂ່າວປະຈຳໃນວັນທີ 24 ກັນຍານີ້ວ່າ: ບົນພື້ນຖານປ້ອງກັນແລະຄວບຄຸມພະຍາດໂຄວິດ-19 ຢ່າງມີປະສິດທິຜົນນັ້ນ, ຈີນຈະເປີດ “ຊ່ອງທາງວ່ອງໄວສະດວກ”ສຳລັບການໄປມາຫາສູ່ກັນລະຫວ່າງບຸກຄົນແລະເປີດ “ໄຟຂຽວ”ສຳລັບການຜ່ານດ່ານຂອງສິນຄ້າໃຫ້ຫຼາຍຂຶ້ນກວ່າເກົ່າ.
ວັນທີ 22 ກັນຍານີ້,ກອງປະຊຸມອົງການສະຫະປະຊາຊາດກ່ຽວກັບການຄ້າແລະການພັດທະນາໄດ້ເປີດເຜີຍບົດລາຍງານເຊິ່ງຊີ້ໃຫ້ເຫັນວ່າ ຄາດວ່າ ປີນີ້ ເສດຖະກິດໂລກຈະຕົກຕ່ຳລົງ 4,3%, ແຕ່ເສດຖະກິດຈີນຍັງຈະເຕີບໂຕຄືເກົ່າ. ເຈົ້າໜ້າທີ່ກອງປະຊຸມອົງການສະຫະປະຊາຊາດກ່ຽວກັບການຄ້າແລະການພັດທະນາຢືນຢັນວ່າ ຈີນມີຊ່ອງທາງກວ້າງໃຫຍ່ສົມຄວນໃນການສ້າງນະໂຍບາຍເພື່ອຟື້ນຟູເສດຖະກິດຂອງປະເທດຕົນ, ເຊື່ອໝັ້ນວ່າ ຈີນຈະສາມາດເປີດກວ້າງຂະໜາດເສດຖະກິດຂອງປະເທດຕົນໄດ້ຢ່າງໜັກແໜ້ນທັງສ້າງໂອກາດທີ່ດີໃຫ້ແກ່ການຟື້ນຄືນຂອງເສດຖະກິດໂລກ.
ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນກ່າວວ່າ: ບົນພື້ນຖານປ້ອງກັນແລະຄວບຄຸມພະຍາດຢ່າງມີປະສິດທິຜົນນັ້ນ, ຈີນຈະ ເປີດ “ຊ່ອງທາງວ່ອງໄວສະດວກ”ສຳລັບການໄປມາຫາສູ່ກັນລະຫວ່າງບຸກຄົນແລະເປີດ “ໄຟຂຽວ”ສຳລັບການຜ່ານດ່ານຂອງສິນຄ້າໃຫ້ຫຼາຍຂຶ້ນກວ່າເກົ່າ ເພື່ອອຳນວຍຄວາມສະດວກໃຫ້ແກ່ວິສາຫະກິດດຳເນີນການທຸລະກິດຂ້າມຊາດ. ຈີນຍັງຈະຍຶດໝັ້ນໃນການລົງເລິກການປະຕິຮູບແລະເປີດປະຕູສູ່ພາຍນອກ, ສືບຕໍ່ຜ່ອນຄາຍເງື່ອນໄຂເຂົ້າເຖິງຕະຫຼາດ, ຮັບປະກັນສິດຜົນປະໂຫຍດທີ່ຖືກຕ້ອງຕາມກົດໝາຍຂອງວິສາຫະກິດທຶນຕ່າງປະເທດ, ສ້າງສະພາບແວດລ້ອມຕະຫຼາດທີ່ສະເໝີພາບກັນແລະມີການແຂ່ງຂັນທີ່ຍຸຕິທຳໃຫ້ແກ່ວິສາຫະກິດທັງພາຍໃນແລະຕ່າງປະເທດ. ຈີນຍິນດີຮ່ວມກັບບັນດາປະເທດໃນໂລກປະສານສົມທົບກັນເພື່ອຊຸກຍູ້ວຽກງານປ້ອງກັນ,ຄວບຄຸມພະຍາດ ແລະການພັດທະນາເສດຖະກິດ,ພະຍາຍາມສູ້ຊົນເພື່ອເອົາຊະນະພະຍາດໂດຍໄວ ທັງຊຸກຍູ້ໃຫ້ເສດຖະກິດໂລກຟື້ນຟູຄວາມຈະເລີນຮຸ່ງເຮືອງຄືນໃໝ່.
ຄຳເຫັນ
0