ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້, “ຂໍ້ກຳນົດກ່ຽວກັບບັນຊີລາຍຊື່ຫົວໜ່ວຍທຸລະກິດທີ່ບໍ່ໜ້າເຊື່ອຖື” ຂອງຈີນໄດ້ສຳເລັດຂັ້ນຕອນທາງດ້ານນິຕິບັນຍັດແລ້ວ ແລະໄດ້ເປີດເຜີຍຕໍ່ພາຍນອກ. ວັນທີ 24 ກັນຍານີ້, ທ່ານກ່າວເຟີ່ງ ໂຄສົກກະຊວງການຄ້າຈີນໄດ້ກ່າວຢູ່ປັກກິ່ງວ່າ: ຂໍ້ກຳນົດສະບັບດັ່ງກ່າວຈະບໍ່ແນ່ໃສ່ປະເທດໃດໜຶ່ງຫຼືວິສາຫະກິດໃດໜຶ່ງ, ບໍ່ໄດ້ກຳນົດລາຍຊື່ຂອງວິສາຫະກິດລ່ວງໜ້າ.
ທ່ານກ່າວເຟີ່ງກ່າວວ່າ: “ວິສາຫະກິດແຫ່ງໃດຈະຖືກຈັດເຂົ້າໃນບັນຊີລາຍຊື່ດັ່ງກ່າວ ແມ່ນຂຶ້ນຢູ່ກັບການປະພຶດຂອງວິສາຫະກິດນັ້ນເອງ, ໂດຍບໍ່ໄດ້ກຳນົດລາຍຊື່ຂອງວິສາຫະກິດລ່ວງໜ້າ. ກົນໄກການເຮັດວຽກຈະອີງຕາມຂໍ້ກຳນົດຢ່າງເຂັ້ມງວດ ໂດຍຈະເຮັດວຽກຢ່າງຕັ້ງໃຈ, ຕາມກົດໝາຍ ແລະສຸຂຸມຮອບຄອບ. ສິ່ງທີ່ຂ້າພະເຈົ້າຢາກເນັ້ນໜັກກໍ ຄື: ຈຸດຢືນຂອງລັດຖະບານຈີນທີ່ຈະຍຶດໝັ້ນໃນການລົງເລິກການປະຕິຮູບ, ເປີດກວ້າງການເປີດປະຕູສູ່ພາຍນອກ, ເດັດດ່ຽວປົກປ້ອງສິດຜົນປະໂຫຍດທີ່ຖືກຕ້ອງຕາມກົດໝາຍຂອງຫົວໜ່ວຍທຸລະກິດປະເພດຕ່າງໆໃນຕະຫຼາດນັ້ນບໍ່ມີການປ່ຽນແປງ, ຫົວໜ່ວຍທຸລະກິດຕ່າງປະເທດທີ່ມີຄວາມໜ້າເຊື່ອຖືແລະປະຕິບັດຕາມກົດໝາຍບໍ່ຕ້ອງມີຄວາມກັງວົນຕໍ່ຂໍ້ກຳນົດນີ້.”
ຄຳເຫັນ
0