ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 23 ກັນຍານີ້, ຢູ່ນະຄອນຫຼວງປັກກິ່ງ, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານອັນໂຕນິໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດຜ່ານທາງວິດີໂອ ໂດຍທ່ານກ່າວເນັ້ນວ່າ: “ໃນໂລກນີ້ມີແຕ່ລະບົບດຽວ, ນັ້ນກໍຄືລະບົບສາກົນທີ່ຖືອົງການສະຫະປະຊາຊາດເປັນແກນກາງ; ມີແຕ່ລະບຽບການດຽວ, ນັ້ນກໍຄືລະບຽບການພື້ນຖານແຫ່ງການພົວພັນສາກົນ ທີ່ຖືກົດບັດອົງການສະຫະປະຊາຊາດເປັນພື້ນຖານ.” ເຊິ່ງໄດ້ສົ່ງສັນຍານອັນຈະແຈ້ງວ່າ: ຈີນໄດ້ໃຫ້ການສະໜັບສະໜູນອົງການສະຫະປະຊາຊາດຢ່າງໝັ້ນໜຽວບໍ່ປ່ຽນແປງ. ອົງການສະຫະປະຊາຊາດທີ່ເຂັ້ມແຂງກວ່າເກົ່າ ບໍ່ພຽງແຕ່ແມ່ນຄວາມປາຖະໜາຂອງຝ່າຍຈີນເທົ່ານັ້ນ, ທັງແມ່ນຄວາມປາຖະໜາຮ່ວມຂອງປະຊາຄົມໂລກອີກດ້ວຍ. ຫວ່າງກ່ອນນີ້ບໍ່ດົນ, ອົງການສະຫະປະຊາຊາດໄດ້ເຜີຍແຜ່ຜົນການສຳຫຼວດ “ຂໍ້ລິລີ່ມ 75 ປີຂອງອົງການສະຫະປະຊາຊາດ” ໂດຍສະແດງໃຫ້ເຫັນວ່າ: ຜູ້ຕອບແບບສອບຖາມ 1 ລ້ານຄົນໃນຂອບເຂດທົ່ວໂລກມີເຖິງ 74% ເຫັນວ່າ: ອົງການສະຫະປະຊາຊາດແມ່ນອົງການ “ທີ່ໂລກຂາດບໍ່ໄດ້ ໃນການຮັບມືກັບສິ່ງທ້າທາຍ. ຫວ່າງມໍ່ໆມານີ້, ສູນຄົ້ນຄວ້າພິຢູຂອງອາເມຣິກາໄດ້ເຜີຍແຜ່ຜົນການສຳຫຼວດຄວາມຄິດເຫັນຂອງຊາວອາເມຣິກາ, ອັງກິດ, ຝຣັ່ງ, ຍີ່ປຸ່ນ ແລະ ປະເທດອື່ນໆທີ່ໄດ້ຜົນສະຫຼຸບວ່າ: ເຖິງວ່າລັດຖະບານທຣຳຂອງອາເມຣິກາໄດ້ຄັດຄ້ານການກຳນົດນະໂຍບາຍຂອງອົງການສະຫະປະຊາຊາດເລື້ອຍໆ, ແຕ່ອັດຕາສະໜັບສະໜູນອົງການສະຫະປະຊາຊາດຂອງປະຊາຊົນອາເມຣິກາພັດສູງເຖິງ 61% ແລະ ເທົ່າກັນກັບໄລຍະທີ່ລັດຖະບານໂອບາມາບໍລິຫານປະເທດ. ສະນັ້ນ, ຈິ່ງບໍ່ຕ້ອງສົງໄສເລີຍວ່າ: ການຕໍ່ຕ້ານ “ສົງຄາມເຢັນຄັ້ງໃໝ່” ແລະ ການສະໜັບສະໜູລັດທິຫຼາຍຝ່າຍຍັງຄົງແມ່ນສຽງຮຽກຮ້ອງຂອງຄົນສ່ວນຫຼາຍຂອງໂລກ.
ຄຳເຫັນ
0