ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ກັນຍານີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງການວ່າ: ສະມາຄົມນັກຂ່າວຕ່າງປະເທດປະຈຳເຂດບໍລິຫານພິເສດຮົງກົງຄວນຢຸດຕິການແຊກແຊງວຽກງານພາຍໃນຂອງຮົງກົງດ້ວຍຂໍ້ອ້າງ “ເສລີພາບໃນການນຳສະເໜີຂ່າວ” ທັນທີ.
ເມື່ອບໍ່ດົນມານີ້, ຫ້ອງການຜູ້ຕາງໜ້າກະຊວງການຕ່າງປະເທດຈີນປະຈຳຮົງກົງໄດ້ອອກຖະແຫຼງການ: ກ່າວເຕືອນສະມາຄົມນັກຂ່າວຂອງຕ່າງປະເທດປະຈຳຮົງກົງ ຫຼື FCC ຈົ່ງຢຸດຕິການກະທຳທ້າທາຍເກາະຜິດດ້ວຍການສະແດງຄວາມຄິດເຫັນກ່ຽວກັບອົງການປົກຄອງເຂດບໍລິຫານພິເສດຮົງກົງດັດແກ້ກົດໝາຍວ່າດ້ວຍສື່ມວນຊົນໃນມໍ່ໆນີ້. ໃນເວລາຕອບຄຳຖາມທີ່ກ່ຽວຂ້ອງ, ທ່ານວ່າງເວີນປິ່ນກ່າວວ່າ: ຕຳຫຼວດຮົງກົງໄດ້ຢືນຢັນວ່າ: ການດັດແກ້ກົດໝາຍທີ່ກ່ຽວຂ້ອງຈະຊ່ວຍຕຳຫຼວດໃຫ້ການປະສານງານກັບສື່ມວນຊົນພາຍໃຕ້ສະພາບການທີ່ບໍ່ກະທົບເຖິງປະສິດທິພາບໃນການປະຕິບັດໜ້າທີ່ຂອງຕຳຫຼວດ, ເຊິ່ງມີຜົນດີຕໍ່ການຮັບປະກັນສິດທີ່ຖືກຕ້ອງຕາມກົດໝາຍຂອງສື່ມວນຊົນ ແລະນັກຂ່າວທີ່ມີຄຸນວຸດທິ. ຂະນະດຽວກັນ, ທ່ານກ່າວຕື່ມວ່າ: ຂໍພຽງແຕ່ສື່ມວນຊົນ ແລະນັກຂ່າວຕ່າງປະເທດທີ່ເຮັດວຽກຢູ່ຮົງກົງປະຕິບັດຕາມກົດໝາຍ ແລະລະບຽບການທຸກຢ່າງ, ກໍຈະໄດ້ຮັບການປົກປ້ອງສິດທີ່ຖືກຕ້ອງຕາມກົດໝາຍຢ່າງເຕັມສ່ວນ. ພວກເຮົາສະໜັບສະໜູນຂະແໜງການທີ່ກ່ຽວຂ້ອງຂອງອົງການປົກຄອງເຂດບໍລິຫານພິເສດຮົງກົງເພີ່ມທະວີການຄຸ້ມຄອງ ແລະການບໍລິການສື່ມວນຊົນຕາມກົດໝາຍ.
ຄຳເຫັນ
0