ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວທີ່ກະຊວງການຕ່າງປະເທດຈີນຈັດຂຶ້ນໃນວັນທີ 14 ຕຸລານີ້, ມີນັກຂ່າວຖາມວ່າ, ວັນທີ 13 ຕຸລາທີ່ຜ່ານມາຕາມເວລາທ້ອງຖິ່ນ, ທ່ານ ໄມ ພົມເພວ, ລັດຖະມົນຕີກະຊວງການຕ່າງປະເທດອາເມຣິກາ ໄດ້ອອກຖະແຫຼງການ ກ່າວຕິຕຽນ ຈີນ, ຣັດເຊຍ ແລະກູບາ ທີ່ໄດ້ຮັບການເລືອກຕັ້ງ ເຂົ້າໃນສະພາສິດທິມະນຸດອົງການສະຫະປະຊາຊາດ, ທັງໄດ້ກ່າວປະນາມສະພາສິດທິມະນຸດວ່າມີຄວາມໃກ້ຊິດກັບອຳນາດການປົກຄອງທີ່ມີອິດທິພົນ, ແລະກ່າວວ່າ, ເລື່ອງນີ້ຍິ່ງໄດ້ຢືນຢັນອີກເທື່ອໜຶ່ງວ່າ ລັດຖະບານທຣຳ ຖອນອອກຈາກສະພາສິດທິມະນຸດຂອງອົງການສະຫະປະຊາຊາດ ແມ່ນການຕັດສິນໃຈທີ່ຖືກຕ້ອງ. ຕໍ່ກັບເລື່ອງນີ້, ຝ່າຍຈີນມີຄວາມເຫັນແນວໃດ?
ທ່ານຈ້າວລີ້ຈ່ຽນ, ໂຄສົກກະຊວງການຕ່າງປະເທດຈີນກ່າວວ່າ: ຄຳເວົ້າຂອງທ່ານໄມ ພົມເພວໄຮ້ເຫດຜົນຫຼາຍ. ສະມາຊິກສະພາສິດທິມະນຸດຖືກເລືອກຕັ້ງໂດຍປະເທດສະມາຊິກອົງການສະຫະປະຊາຊາດ. ອາເມຣິກາຖອນອອກຈາກສະພາ ສິດທິມະນຸດແລ້ວ, ຈຶ່ງເປັນຝ່າຍທີ່ເລືອກຢືນຢູ່ຝ່າຍກົງກັນຂ້າມກັບປະຊາຄົມໂລກ, ບໍ່ມີຄຸນວຸດໃດໆເພື່ອທິຕີລາຄາການເລືອກຕັ້ງຂອງສະພາສິດທິມະນຸດ.
ຄຳເຫັນ
0