刘华丽

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年两会专题_fororder_lianghuibannerxiao
  • ​​ຮູບພາບ
  • ​ວີ​ດີ​ໂອ

ອົງ​ການ​ອະ​ນາ​ໄມ​ໂລກ​ສະ​ເໜີ​ໃຫ້​ 5 ກຸ່ມ​ຄົນ​ສັກ​ຢາ​ວັກຊີນ​ຕ້ານ​ໄຂ້​ຫວັດ​ໃຫຍ່​ໃນ​ໄລ​ຍະ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19

2020-10-17 15:06:07 CRI

 

ວັນ​ທີ 16 ຕຸ​ລາ​ນີ້, ອົງ​ການ​ອະ​ນາ​ໄມ​ໂລກ​ກ່າວ​ວ່າ: ຄຽງ​ຄູ່​ກັບ​ລະ​ດູ​ໜາວ​ຂອງ​ຊີກໂລກ​ເໜືອ​ໃກ້​ຈະ​ວຽນ​ມາ​ເຖິງ, ຜູ້​ເປັນ​ພະ​ຍາດ​ໂຄວິດ-19ໃນ​ທົ່ວ​ໂລກ​ໄດ້​ເພີ່ມ​ຂຶ້ນ​ຢ່າງບໍ່​ຢຸດ​ຢັ້ງ, ການ​ແຜ່​ລະ​ບາດ​ພ້ອມ​ກັນ​ຂອງໄຂ້​ຫວັດ​ໃຫຍ່​ແລະ​ພະ​ຍາດ​ໂຄວິດ-19 ອາດ​ຈະ​ສ້າງ​ສິ່ງ​ທ້າ​ທາຍ​ໃຫ້​ແກ່​ລະ​ບົບ​ສາ​ທາ​ລະ​ນະ​ສຸກ​ແລະ​ສິ່ງກໍ່​ສ້າງ​ສາ​ທາ​ລະ​ນະ​ສຸກ, ດັ່ງ​ນັ້ນ ຈິ່ງ​ສະ​ເໜີ​ໃຫ້ 5 ກຸ່ມ​ຄົນ​​ເປົ້າ​ໝາຍສັກ​ຢາ​ວັກ​​ຊີນ​ຕ້ານ​ໄຂ້​ຫວັດ​ໃຫຍ່.

5 ກຸ່ມ​ຄົນຄື: ແມ່​ມານ, ຜູ້​ມີ​ພະ​ຍາດ​ພື້ນ​ຖານ, ຜູ້​ເຖົ້າ, ພະ​ນັກ​ງານ​ສາ​ທາ​ລະ​ນະ​ສຸກ ແລະ​ເດັກ​ນ້ອຍ. ຜູ້​ຊ່ຽວ​ຊານ​ອົງ​ການ​ອະ​ນາ​ໄມ​ໂລກ​ໃຫ້​ຄວາມ​ເຫັນ​ວ່າ: ໃນ 5 ກຸ່ມ​ຄົນ​ທີ່​ມີ​ຄວາມ​ສ່ຽງ​ດັ່ງ​ກ່າວ, ພະ​ນັກ​ງານ​ສາ​ທາ​ລະ​ນະ​ສຸກ​ແລະ​ຜູ້​ເຖົ້າ​ແມ່ນ​ກຸ່ມ​ຄົນ​​ທີ່​ຕ້ອງ​ໃຫ້​ບຸ​ລິ​ມະ​ສິດກ່ອນ​ໝູ່​​ໃນ​ການ​ສັກ​ຢາ​ວັກ​​ຊີນຕ້ານ​ໄຂ້​ຫວັດ​ໃຫຍ່​ໃນ​ໄລ​ຍະ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19.

ທ່ານ​ເທ​ໂດຼສ ຜູ້​ອຳ​ນວຍ​ການ​ໃຫຍ່​ອົງ​ການ​ອະ​ນາ​ໄມ​ໂລກ​ກ່າວ​ຢ້ຳ​ໃນ​ກອງ​ປະ​ຊຸມ​ຖະ​ແຫຼງ​ຂ່າວ​ທີ່​ຈັດ​ຂຶ້ນ​ໃນ​ມື້​ດຽວ​ກັນ​ວ່າ: ມາດ​ຕະ​ການຫຼາຍ​ຢ່າງທີ່ມີ​ປະ​ສິດ​ທິ​ຜົນໃນ​ການ​ປ້ອງ​ກັນ​ພະ​ຍາດ​ໂຄວິດ-19 ແລະ​ໄຂ້​ຫວັດ​ໃຫຍ່ແມ່ນ​ຄື​ກັນ ເຊິ່ງ​ລວມ​ທັງ​ການ​ຮັກ​ສາໄລ​ຍະ​ຫ່າງ​ທາງ​ສັງ​ຄົມ, ລ້າງ​ມື​ເລື້ອ​ຍໆ, ອັດ​ດັງ​ແລະ​ປາກ​ໃນ​​ເວ​ລາໄອ, ເຮັດ​ໃຫ້​ອາ​ກາດ​ລຸ​ລ່ວງ, ໃສ່​ຜ້າ​ປິດ​ປາກ ແລະ​ອື່ນໆ. ນອກ​ນີ້, ເຖິງວ່າ​ປັດ​ຈຸ​ບັນ​ຍັງ​ບໍ່​ທັນ​ມີ​ຢາ​ວັກ​​ຊີນຕ້ານ​ພະ​ຍາດ​ໂຄວິດ-19ທີ່​ປອດ​ໄພ​ແລະ​ມີ​ປະ​ສິດ​ທິ​ຜົນ, ແຕ່​ມີ​ຢາ​ວັກ​ຊີນຕ້ານ​ໄຂ້​ຫວັດ​ໃຫຍ່​ທີ່​ມີ​ຜົນ​ດີ​ແລ້ວ, ແຕ່​​ວ່າບາງ​ປະ​ເທດ​ມີ​ຄວາມ​ຕ້ອງ​ການ​ຕໍ່​ຢາ​ວັກ​ຊີນ​ຕ້ານ​ໄຂ້​ຫວັດ​ໃຫຍ່ຫຼາຍກວ່າ​ການ​ສະ​ໜອງ, ​ນີ້​ແມ່ນ​ສິ່ງ​ທ້າ​ທາຍ​​ທີ່​ພວມ​ຜະ​ເຊີນໃນ​ປັດ​ຈຸ​ບັນ.

ຄຳ​ເຫັນ

0