ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 16 ຕຸລານີ້, ບຸນຮູບເງົາເສັ້ນທາງສາຍໄໝສາກົນຄັ້ງທີ 7 ໄດ້ອັດລົງຢູ່ນະຄອນສີ່ອ່ານ ແຂວງສ້ານຊີ່ສ.ປ.ຈີນ. ບຸນຮູບເງົາຄັ້ງນີ້ມີຫົວຂໍ້ວ່າ “ເສັ້ນທາງສາຍໄໝເຊື່ອມໂຍງໂລກ ອະລິຍະທຳເຊື່ອມໂຍງດ້ວຍຮູບເງົາ” ເຊິ່ງໄດ້ດຶງດູດ 116 ປະເທດ ແລະ ເຂດແຄວ້ນນຳເອົາຮູບເງົາ 3 ພັນກວ່າເລື່ອງມາເຂົ້າຮ່ວມ.
ທ່ານເຊີງຟູໂປ່ ຮອງເຈົ້າແຂວງ ແຂວງສານຊີ່ກ່າວວ່າ: “ພວກເຮົາຍິນດີດຳເນີນການຮ່ວມມືທີິ່ຕິດແທດຕົວຈິງກັບບຸກຄົນວົງການຮູບເງົາຂອງປະເທດ ແລະ ເຂດແຄວ້ນທີ່ລຽບຕາມໜຶ່ງແລ້ວໜຶ່ງເສັ້ນທາງ” ເພື່ອຖອດຖອນບົດຮຽນ, ແລກປ່ຽນຄວາມຄິດຄວາມເຫັນ ແລະ ບັນລຸການພັດທະນາແບບຕ່າງຝ່າຍຕ່າງໄດ້ຮັບຜົນປະໂຫຍດທີ່ເລິກເຊິ່ງກວ່າເກົ່າ, ມີລະດັບສູງກວ່າເກົ່າ ແລະ ໃນຂົງເຂດກວ້າງຂວາງກວ່າເກົ່າ, ເຮັດໃຫ້ IP ວັດທະນະທຳບຸນຮູບເງົາເສັ້ນທາງສາຍໄໝສາກົນ ມີຊື່ສຽງໂດ່ງດັງຍິ່ງຂຶ້ນ.”
ທ່ານເຊີງຟູໂປ່ກ່າວວ່າ, ໃນໄລຍະຈັດບຸນຮູບເງົາ, ອົງການ ແລະ ບຸກຄົນວົງການຮູບເງົາຈຳນວນຫຼາຍໄດ້ມີເຈດຈຳນົງດຳເນີນການຮ່ວມມື, ເຊິ່ງໄດ້ເຊັນສັນຍາໂຄງການຮ່ວມມື 36 ໂຄງການ. ໄດ້ສາຍຮູບເງົາດີເດັ່ນຂອງຈີນ ແລະ ຕ່າງປະເທດ 500 ກວ່າເລື່ອງໃນໂຮງຮູບເງົາ, ຢູ່ກາງແຈ້ງ ແລະ ທາງອອນໄລ, ເປັນການປະກອບສ່ວນເຂົ້າໃນການຊຸກຍູ້ອຸດສາຫະກຳຮູບເງົາໃຫ້ພັດທະນາຕື່ມອີກ.
ຄຳເຫັນ
0