ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ຕຸລານີ້, ທ່ານຄາລົສ໌ ໂດມິງເກສ ລັດຖະມົນຕີກະຊວງການເງິນຟີລິບປີນໄດ້ກ່າວວ່າ: ໃນໄລຍະຂອງການແຜ່ລະບາດຂອງພະຍາດໂຄວິດ-19, ຈີນນຳໜ້າໂລກໃນການຟື້ນຟູການເຕີບໂຕດ້ານເສດຖະກິດ, ນີ້ແມ່ນຂ່າວດີສຳລັບຟີລິບປີນເຊິ່ງມີການພົວພັນດ້ານເສດຖະກິດການຄ້າກັບຈີນຢ່າງໃກ້ຊິດ.
ທ່ານໂດມິງເກສ ກ່າວວ່າ: ຈີນແມ່ນຄູ່ການຄ້າໃຫຍ່ອັນດັບໜຶ່ງຂອງຟີລິບປີນ, ປັດຈຸບັນເສດຖະກິດຈີນສາມາດຟື້ນຄືນໃໝ່ໄດ້, ຄວາມຕ້ອງການດ້ານສິນຄ້າຟີລິບປີນຂອງຕະຫຼາດຈີນກໍຈະເພີ່ມຂຶ້ນ, ເຊື່ອວ່າຈະມີຜະລິດຕະພັນຟີລິບປີນຂາຍໄປໃຫ້ປະເທດຈີນຫຼາຍກວ່າເກົ່າໃນອະນາຄົດ.
ມື້ດຽວກັນໃນໂອກາດໃຫ້ສຳພາດຕໍ່ສື່ມວນຊົນທ້ອງຖິ່ນ, ເຈົ້າໜ້າທີ່ອົງການພັດທະນາເສດຖະກິດແຫ່ງຊາດຟີລິບປີນກໍກ່າວວ່າ: ຕາມຕົວເລກສະຖິຕິຂອງຟີລິບປີນ, ພາຍຫຼັງເສດຖະກິດຈີນສາມາດຟື້ນຟູການເຕີບໂຕໄດ້ແລ້ວໃນໄຕມາດທີ 2, ການສົ່ງອອກສິນຄ້າຂອງຟີລິບປີນສູ່ຕະຫຼາດຈີນກໍສາມາດຟື້ນຟູໄດ້ເຊັ່ນກັນ.
ຄຳເຫັນ
0