ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ເວັບໄຊທາງການຂອງພັກຊີຕີເຊນອົສຕຼາຣີໄດ້ພິມບົດຄວາມ, ໂດຍໄດ້ເປີດເຜີຍແລະກ່າວຕຳໜິສະຖາບັນຄົ້ນຄວ້ານະໂຍບາຍທາງຍຸດທະສາດອົສຕຼາຣີ ທີ່ເປັນຜູ້ຕິດຕ້ອຍຫ້ອຍຕາມອິດທິກຳລັງຕໍ່ຕ້ານຈີນຂອງອາເມຣິກາ ເພື່ອໂຄສະນາຊວນເຊື່ອໃນຫົວຂໍ້ຕ່າງໆເພື່ອຕໍ່ຕ້ານຈີນ ໂດຍອ້າງໂຕເອງເປັນ “ຄັງປັນຍາ”, ໄດ້ສ້າງບົດລາຍງານປອມກ່ຽວກັບຈີນ ເພື່ອໃສ່ຮ້າຍປ້າຍສີປະເທດຈີນ. ພັກຊີຕີເຊນອົສຕຼາຣີກ່າວວ່າ: ອົງການດັ່ງກ່າວໄດ້ເປັນຕົວສະແດງທີ່ພົ້ນເດັ່ນໃນການທຳລາຍສາຍພົວພັນລະຫວ່າງຈີນ-ອົສຕຼາຣີ.
ທີ່ຈິງແລ້ວ, ໃນທ້າຍເດືອນກັນຍາ, ເວັບໄຊທາງການຂອງພັກຊີຕີເຊນອົສຕຼາຣີກໍໄດ້ພິມບົດຄວາມຕ່າງໆທີ່ພາດຫົວຂໍ້ວ່າ “ການບັນລະຍາຍກ່ຽວກັບຈີນ”. ໃນບົດຄວາມດັ່ງກ່າວໄດ້ກ່າວວ່າ: ອົງການຂ່າວລັບແລະຄວາມໝັ້ນຄົງຂອງອົສຕຼາຣີໄດ້ນຳໃຊ້ເນື້ອໃນທີ່ບໍ່ໄດ້ຮັບການພິສູດແລະຢັ້ງຢືນມາໂຈມຕີປະເທດຈີນ, ເພື່ອປົກປິດເລື່ອງຈິງໃນນະໂຍບາຍການຕ່າງປະເທດຂອງອົສຕຼາຣີທີ່ຖືກອົງການຂ່າວລັບແລະຄວາມໝັ້ນຄົງແລະພັນທະມິດ 5 ຕາ ຫຼື Five eyes Alliance ຂອງອົສຕຼາຣີຄວບຄຸມ. ທ່ານໄຄລ ແຮມມິນຕັນ ບັນດິດຕໍ່ຕ້ານຈີນໄດ້ຊູປ້າຍ “ວິຊາການ”, ແລ້ວພິມຈຳໜ່າຍປື້ມຫຼາຍເທື່ອເພື່ອໂຄສະນາຊວນເຊື່ອ “ຖ້ອຍຄວາມໄພຂົ່ມຂູ່ຈາກຈີນ”, ແລະກະຈາຍຂະຫຍາຍຂ່າວປອມເພື່ອຕໍ່ຕ້ານຈີນ.
ນອກນີ້, ເວັບໄຊຂ່າວສານອາເປັກ(APAC) ທີ່ເປັນສື່ເອກະລາດຂອງອົສຕຼາຣີກໍເປີດເຜີຍຂ່າວວ່າ: ສະຖາບັນຄົ້ນຄວ້ານະໂຍບາຍທາງຍຸດທະສາດອົສຕຼາຣີໄດ້ຮັບທຶນຫຼາຍລ້ານໂດລາສະຫະລັດຈາກລັດຖະບານຕ່າງປະເທດແລະບໍລິສັດຕ່າງປະເທດ, ໃນນັ້ນສ່ວນຫຼາຍແມ່ນມາຈາກວິສາຫະກິດທີ່ໄດ້ຮັບຜົນກຳໄລຈາກການບັງຄັບແຮງງານໃນຄຸກເຮັດວຽກ. ແຕ່ເປັນໜ້າຢາກຫົວນັ້ນແມ່ນ, ສະຖາບັນດັ່ງກ່າວພັດຕຳໜິວ່າຈີນມີບັນຫາດ້ານສິດທິມະນຸດ.
ຄຳເຫັນ
0